U Mahilovie budzie biełaruskamoŭny kłas. U kłasie — adna vučanica 5

Klasu adčyniajuć na bazie pieršaj mahiloŭskaj škoły, jakaja znachodzicca ŭ centry horadu, niepadalok ad harvykankamu.

Adzinaj vučanicaj u klasie budzie Jalinka Sałaŭjova. Akramia siamji Sałaŭjovych achvotnikaŭ atrymlivać viedy pa-biełarusku ŭ małakamplektnaj klasie nie znajšłosia.

1 vieraśnia Jalinka Sałaŭjova z baćkami, a dzieviataj hadzinie ranicy pryšła na pieršuju svaju ŭračystuju školnuju liniejku. Baćki aznajomilisia z umovami navučańnia dački:

«Umovy nas zadavolili. Asobnaja nievialičkaja budzie klasa. Vyłučyli nam nastaŭnika. Pobač u klasie buduć vučycca takija ž, jak i Jalinka pieršaklaśniki. U „pradlonku“ jany buduć razam chadzić. Prablemaŭ z kamunikacyjami ŭ jaje nia budzie ź imi. Pahutaryli my j z dyrektarkaj. Jana z razumieńniem pastaviłasia da sytuacyi. Ciažkaść budzie chiba ŭ tym, što adna nastaŭnica. Kali jana, da prykładu, zachvareje, to składana znajści joj zamienu, bo pa-biełarusku ž treba havaryć. Nam paabiacali, što vyrašać takija prablemy. Jašče adna niazručnaść dla nastaŭnicy. Joj zrabili pahadzinnuju apłatu», — paviedamiŭ «Svabodzie» Źmicier Sałaŭjoŭ.

U adździele adukacyi harvykankamu strymana kamentujuć adkryćcio klasy. U samoj škole paviedamili, što adkryćcio biełaruskamoŭnaj klasy z adnym vučniem planujecca. Adnak pryznali, što zaŭtra Jalinka Sałaŭjova musić być u škole.

Jalinka Sałaŭjova naviedvała adzinuju biełaruskamoŭnuju hrupu ŭ sadku № 81 Mahilova. Razam ź joj tudy chadzili jašče čaćviora dzietak. Adkryćcia hrupy damahlisia baćki.

svaboda.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH