Lider kampanii «Havary praŭdu!» Uładzimier Niaklajeŭ vystupiŭ na ekanamičnym forumie ŭ polskaj Krynicy Hurskaj, a taksama sustreŭsia ź kiraŭnikom Eŭraparlamentu.
Uładzimier Niaklajeŭ atrymaŭ mahčymaść vykazacca na «kruhłym stale» pa prablemach realizacyi prahramy Eŭraźviazu «Ŭschodniaje partnerstva». Paśla taho jak pradstaŭnik polskaha MZS zaznačyŭ, što Biełaruś nie karystajecca mahčymaściami, jakija daje hetaja prahrama, spadar Niaklajeŭ zajaviŭ, što «pry Łukašenku Biełaruś nikoli nia pojdzie u Eŭropu, bo dla hetaha patrebnaja palityčnaja i ekanamičnaja reformy, stvareńnie demakratyčnych instytutaŭ, a heta budzie abaznačać dla dziejnaha režymu stratu ŭłady».
Aprača taho U. Niaklajeŭ sustrakaŭsia sa z pradstaŭnikami MZS Polščy, Eŭrapiejskaha investycyjnaha banku, a taksama sa staršynioj Eŭraparlamentu Ježy Buzekam.
«My havaryli pra toje, što nam važna razumieć nia tolki stratehiju pieramohi na prezydenckich vybarach, ale i pra toje, što budzie paśla taho jak demakratyčnaja siły Biełarusi pryjduć da ŭłady. Dziela hetaha my damovilisia pravieści ŭ Bruseli ŭ najbližejšy čas, moža być, praź miesiac, kanferencyju na hetuju temu z udziełam analitykaŭ i ekspertaŭ. Aprača taho my zakranuli temu nieabchodnaści liberalizacyi vizavaha režymu, i spadar Buzek vykazaŭ zhodu, što tut treba rabić kankretnyja kroki»,- raspavioŭ spadar Niaklajeŭ padrabiaznaści svaich pieramovaŭ. U časie hutarki była zakranutaja tema nieabchodnaści mižnarodnaha raśśledavańnia śmierci žurnalista Aleha Biabienina. Paśla taho jak stała viadoma, što MZS Biełarusi zaprašaje zamiežnych
Na forumie ŭ Krynicy Hurskaj prysutničała i aficyjnaja biełaruskaja delehacyja.
