Uznaharoda — piersanalnaja vystava ŭ FOTO KVARTALS gallery (Ryga, Latvia) u 2011 ź sieryjaj «Biełaruskaje Pahanstva».
Pieramožcy i ŭdzielniki sioletniaha Kaunas Photo STAR. Andrej Lankievič krajni sprava.
Fatohraf Andrej Lankievič adznačany śpiecyjalnym pryzam na štohadovym mižnarodnym fotafiestyvali ŭ Kaŭnasie (Litva) Kaunas Photo STAR. Jaho ŭznaharodzili piersanalnaj vystavaj u FOTO KVARTALS gallery (Ryga, Latvia), jakaja projdzie ŭ 2011 hodzie. Fatohraf aznajomić haściej vystavy ź sieryjaj «Biełaruskaje Pahanstva». Akramia taho, u nastupnym numary časopisa «Foto Kvartals» budzie nadrukavanaja padborka fotazdymkaŭ z partfolia Lankieviča, jakija prynieśli jamu pieramohu. Sieryja «Biełaruskaje Pahanstva» da kanca miesiaca maje vyjści asobnym fotaalbomam.
«U hetym hodzie na feście zładzili konkurs parfolia maładych fatohrafaŭ z usiaho śvietu. Udzielničali fatohrafy ź Biełarusi, Rasii, Iranu, Anhlii, Irłandyi, Ispanii, Italii dy inšych krain. Było adabrana 100 pracaŭ. Lepšych ź ich adbirali 12 ekśpiertaŭ, taksama z usiaho śvietu», — raskazaŭ «Našaj Nivie» Andrej Lankievič. Novaj zorkaj kaŭnaskaha festu staŭ francuzski fatohraf Eryk Łusita, jaki abjechaŭ postsavieckija krainy ad Uschodniaj Hiermanii da Manholii, dzie zdymaŭ zakinutyja vajskovyja bazy.
***
Fotafiestyval Kaunas Photo STAR ładzicca ŭ Kaŭnasie štohod pačynajučy z 2004 h. Jahonaja meta — pošuk novych talentaŭ i zorak u śviecie fatahrafii.
Andrej Lankievič naradziŭsia ŭ 1981 h. u Hrodnie. Maje stupień bakałaŭra humanitarnych navuk u halinie ekanomiki, atrymanuju ŭ BDU.
U 2004—2005 vučyŭsia ŭ «Caucasus Media Institute» na seminary «World Press Photo» u Jerevanie, Armienija. U jakaści adnoj z častak prahramy niekalki miesiacaŭ žyŭ i vandravaŭ ź mienšaściu jezidaŭ u Armienii, jahony vynikovy fotaprajekt pra žyćcio jezidaŭ byŭ uhanaravany premijaj.
Vykładaje kurs pa fotažurnalistycy ŭ Jeŭrapiejskim humanitarnym univiersitecie (Litva).
Ad 2005 hodu supracoŭničaje z «European Press Photo Agency» (EPA), u 2007 dałučyŭsia da «Anzenberger agency».
U 2001—2008 hadach supracoŭničaŭ ź niezaležnaj biełaruskaj hazietaj «Naša Niva».
Jahonyja pracy tasama publikavalisia ŭ takich mižnarodnych ŚMI jak «New York Times», «Le Figaro», «Newsweek», «Die Zeit», «Spiegel», «GEO», «GEO Lino», «International Herald Tribune».
