U Minsku prajšoŭ pieršy schod pradstaŭnikoŭ inicyjatyŭnaj hrupy Uładzimira Niaklajeva.
Na im prysutničali pradstaŭniki ŭsich rehijanalnych pradstaŭnictvaŭ kampanii «Havary praŭdu!», jakija i składuć asnovu inicyjatyŭnaj hrupy kandydata.

Nu raz u nas siońnia ŭračystaść, treba apranuć pinžak! — vyrašyŭ Niaklajeŭ.

Nu raz u nas siońnia ŭračystaść, treba apranuć pinžak! — vyrašyŭ Niaklajeŭ.

Andrej Dźmitryjeŭ prezientavaŭ asnoŭnyja tezy palityčnaj prahramy Niaklajeva.

Andrej Dźmitryjeŭ prezientavaŭ asnoŭnyja tezy palityčnaj prahramy Niaklajeva.

Nie ŭsie achvotnyja zmahli trapić na schod praz abmiežavanuju kolkaść miescaŭ.

Nie ŭsie achvotnyja zmahli trapić na schod praz abmiežavanuju kolkaść miescaŭ.

Schod adbyŭsia ŭ pamiaškańni ofisa partyi BNF. Jak zaznačyŭ sam Niaklajeŭ, «ničoha inšaha nam znajści nie ŭdałosia, tamu dziakujem BNF za hetu mahčymaść». Pamiaškańnie dla pieršaha schodu nasamreč było nie zusim prystasavanaje — nie ŭsie achvotnyja zmahli trapić na schod praz abmiežavanuju kolkaść miescaŭ, a chto trapiŭ — adčuvali dyskamfort praź pierapoŭnienaść pamiaškańnia. Jano, darečy, było bahata azdoblenaje banerami «Havary praŭdu!» i novymi kandydackimi, sa šmatlikimi vyjavami Niaklajeva.

Schod vyklikaŭ cikavaść u žurnalistaŭ. Siarod pradstaŭnikoŭ biełaruskich niezaležnych ŚMI vydzialałasia zdymačnaja hrupa Pieršaha kanała rasijskaha telebačańnia.

Mierapryjemstva raspačaŭ sam kandydat. «Siońnia aficyjny dzień. Ad pačatku isnavańnia kampanii „Havary praŭdu!“ my zajaŭlali ab mahčymaści ŭdziełu ŭ vybarach, kali jany buduć abvieščanyja. Niekalki dzion tamu abviaścili datu praviadzieńnia vybaraŭ, tamu my zajaŭlajem siońnia, što budziem brać u ich udzieł», — paviedamiŭ U.Niaklajeŭ na pačatku.

Lidar kampanii «Havary praŭdu!» taksama nie praminuŭ paŭtaryć svaju ŭpeŭnienaść u pieramozie na vybarach, jakuju ahučyŭ niekalki hadzin raniej na pres-kanfierencyi žurnalistam:

«Ja nie maju sumnievu, što da vybaraŭ my dojdziem pieramožcami. My vyrašyli nie prosta ŭdzielničać u vybarach. My vyrašyli pieramahčy».

Niaklajeŭ taksama zaznačyŭ, što jaho štab źbiare stolki podpisaŭ, kolki treba. «Na siońnia ŭ nas u inicyjatyŭnaj hrupie 1300 čałaviek. I my pakul nie pryciahvali novych ludziej dla ŭdziełu ŭ vybarčaj kampanii. Ja dumaju, što ŭ nas budzie značna bolš ludziej», — paviedamiŭ lidar «Havary praŭdu!».

Na schodzie, što prajšoŭ u Minsku, pačałosia farmavańnie budučych orhanaŭ kamandy kandydata i vyznačeńnie asnoŭnych nakirunkaŭ dziejnaści na pačatkovym etapie. 23 vieraśnia płanujecca padać u Centrvybarkam śpis udzielnikaŭ inicyjatyŭnaj hrupy Uładzimira Niaklajeva.

Ab pačatku prezidenckaj kampanii Niaklajeva i jaho pieradvybarčaj prahramie čytajcie taksama tut i tut.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?