Pačynajučy z 16 vieraśnia, akcyi za viartańnie kaścioła śviatoha Jazepa buduć adbyvacca štodzionna. I kožny dzień paśla tych, chto, a18-j hadzinie molicca za kaścioł, a19-j tut buduć źbiracca nieabyjakavyja biełarusy, u tym liku z partretami źnikłych, z partretami Aleha Biabienina. 17 vieraśnia kala kaścioła sv. Jazepa projdzie kancert Andreja Mielnikava.
23.30 Usich zatrymanych u Dzień Salidarnaści adpuścili. Pa słovach milicyjantaŭ, aktyvisty "Havary Praŭdu" byli niećviarozyja.
21.50 Pačali adpuskać pieršych zatrymanych.
21.45 Kala RAUSA, dzie znachodziacca zatrymanyja adbyłasia bojka. Kali žonka i syn Viačasłava Siŭčyka pasprabavali zajści ŭ RAUS i daviedacca pra los baćki i muža, milicyjanty žortska adpichnuli žančynu. Prysutnyja kala RAUSA zastupilisia za svajakoŭ Siŭčyka. Zaviazałasia bojka, jakaja skončyłasia litaralna praź niekalki chvilinaŭ.
20.15 Jak paviedamiŭ Pavał Sieviaryniec, napiaredadni akcyi było zatrymana 19 čałaviek. Siarod zatrymanych Z.Daškievič, V.Siŭčyk, M.Dziemidzienka i 10 čałaviek z kampanii «Havary praŭdu». U dadzieny momant jany znachodziacca ŭ Centralnym RAUS.
19.35
Akcyja salidarnaści skončanaja. Na hety raz abyšłosia biez zatrymańniaŭ.
19.30
Akcyja prachodzić cicha i spakojna. Prysutnyja ŭzhadali ŭ svaich pramovach Biabienina, Hančara, Krasoŭskaha, ks. Falkoŭskaha.
Paśla supolnaha śpievu himna «Mahutny Boža» pačałasia malitva.
19.20
19.12
Pavał Sieviaryniec zajaviŭ, što na padychodach da płoščy Voli byli zatrymanyja Z.Daškievič, V.Siŭčyk, M.Dziemidzienka. Jon taksama adznačyŭ, što nieabchodna vykarystoŭvać pieradvybarny pieryjad, kab pravodzić štodzionnyja akcyi ŭ pamiać ab źnikłych i palitźniavolenych, a taksama ŭ abaronu kaścioła Śviatoha Jazepa.
19.07
U akcyi ŭdzielničajuć 40 čałaviek. Trymajuć u rukach źnički i partrety Michasia Bašury. Da ludziej dałučyŭsia Vital Rymašeŭski.
19.05
Kolkaść udzielnikaŭ akcyi pavialičyłasia da 20 čałaviek. Jany stali ŭ łancuh, trymajuć u rukach partrety Michasia Bašury.
19.00 Malitva skončanaja. Pavał Sieviaryniec razdaje prysutnym źnički. Ludziej sabrałasia kala dziesiatka, na akcyi prysutničaje Franak Viačorka i Nasta Pałažanka.
Sieviaryniec źviarnuŭsia z karotkaj pramovaj da prysutnych. «U hety dzień treba być salidarnymi. Pryśpieŭ čas źmianiać situacyju ŭ krainie», — zaznačyŭ sustaršynia BCHD.
18.45
La kaścioła Śviatoha Jazepa sabrałasia piać čałaviek, siarod ich Pavał Sieviaryniec. Jany molacca. Pačynajuć padychodzić žurnalisty i inšyja ŭdzielniki.
Niepadalok ad ratušy stajać dva milicejskija aŭtobusy. Supracoŭnikaŭ pravaachoŭnych orhanaŭ nadziva mała. Daždžu niama.
- 16 čysła tradycyjna adznačajecca Dzień Salidarnaści. Akcyja salidarnaści, jakaja
16-ha dnia kožnaha miesiaca pravodziłasia na Kastryčnickaj płoščy, ad vieraśnia budzie pravodzicca kala kaścioła Śviatoha Jazepa, na płoščy Voli.
Pačynajučy z 16 vieraśnia, akcyi za viartańnie kaścioła śviatoha Jazepa buduć adbyvacca štodzionna. I kožny dzień paśla tych, chto, a
Na dumku inicyjataraŭ ruchu ŭ abaronu Śviatoha Jazepa — Biełaruskaj chryścijanskaj demakratyi, damahacca viartańnia śviatyni patrebna mienavita zaraz, bo ŭ pieradvybarčy pieryjad jość mahčymaść paŭpłyvać na dziejańni ŭładaŭ.
