Vašynhtonski adździeł BAZA.

Vašynhtonski adździeł BAZA.

Źjaviłasia kniha pra dziejnaść vašynhtonskaha adździeła Biełaruska-amierykanskaha zadzinočańnia (BAZA) — najbujniejšaj arhanizacyi našych ziemlakoŭ u Złučanych Štatach.

Nahadajem, što BAZA było stvorana ŭ 1949 h. Adździeł u Vašynhtonie (razmova pra stalicu ZŠA, a nie štat na zachodnim uźbiarežžy) byŭ zasnavany ŭ 1979 h. (staršynia — Alesia Kipiel). Try hady tamu, 16 vieraśnia 2007 h. jaho dziejnaść była reaktyvizavana.

Siońnia adździeł — heta, u svajoj bolšaści, pradstaŭniki novaj chvali emihracyi. Aktyŭny ŭdzieł u dziejnaści arhanizacyi, aproč jaje staršyni dački pavajennych emihrantaŭ Alesi Kipiel, brali i biaruć Viačasłaŭ Bortnik, Jarasłaŭ Kryvoj, Iryna Krasoŭskaja, Dźmitry Zialonka, Alesia Siomucha, Volha Čarnyš.

Pra svaju dziejnaść u Vašynhtonie — sustrečy ź fiederalnymi čynoŭnikami, pikiety, u tym liku na Dzień Salidarnaści, udziełam u roznych fiestyvalach — jany vybrali dosyć niezvyčajnuju formu padačy infarmacyi.

Heta nie kniha ŭ kłasičnym jaje vyhladzie: kali mnoha tekstu i vobmal zdymkaŭ.

Tut usia kniha (34 staronki) małoha farmatu składajecca z kala 50 fotazdymkaŭ z podpisami, što zafiksavali dziejnaść vašynhtonskaha adździeła ź vieraśnia 2007 h.

Źmieščanyja taksama fotaadbitki z hazietnych artykułaŭ, u jakich raspaviadajecca pra dziejnaść adździeła, a taksama padajucca karotkija bijahrafičnyja źviestki pra siabroŭ adździeła.

Na tych fotazdymkach my, aproč «vašynhtoncaŭ», bačym Vitaŭta Kipiela i Ivonku Surviłłu, Viačku Stankieviča i Ału Orsu-Ramana, Janku i Nadziu Zaprudnikaŭ, a taksama byłoha ambasadara ŭ Biełarusi Džordža Kroła ŭ majcy z bieł-čyrvona-biełym nadpisam «Biełaruś» i na fonie bieł-čyrvona-biełaha ściaha, siońniašniaha ministra zamiežnych spraŭ Polščy Radasłava Sikorskaha.

Dy haściej ź Biełarusi: Alaksandra Milinkieviča, Dźmitryja Bandarenku, Taćcianu Proćku, Jarasłava Ramančuka, Alaksieja Maračkina.

Vielmi dastupna ŭ knizie tłumačycca — najpierš dla anhłamoŭnaha čytača — pra mety adździeła. A na apošnich staronkach dajecca histaryčnaja daviedka pra Biełaruś. Dla papularyzacyi siarod amierykancaŭ idei Biełarusi pryvodziacca fatazdymki viadomych ludziej, vychadcaŭ ź Biełarusi.

Kniha — vydatny prykład jak možna dachodliva i jasna prapahandavać Biełaruś u volnym śviecie.

DC Chapter of the Belarusan-American Association. [Washington, 2010] 34 p.

Bolš padrabiazna aznajomicca i nakont atrymańnia knihi možna źviarnucca siudy,

abo napisać na mejł staršyni adździeła Alesi Kipiel, u tym liku i kab dałučycca da dziejnaści adździeła: akipel(at)steptoe.com

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?