Pra heta paviedamiŭ siońnia ministržyllova-kamunalnaj haspadarki Uładzimir Biełachvostaŭ na pasiadžeńni Prezidyuma Saŭmina, dzie razhladaŭsia prajekt dziaržprahramy «Čystaja vada» na 2011–2015 hady.
Pavodle słoŭ ministra, da 2016 hoda na hetyja mety płanujecca nakiravać Br312 młrd. «Dla horada heta vielmi značnaje mierapryjemstva, — padkreśliŭ jon. — Narešcie, Minsk budzie pić vadu z artezijanskich śvidravin».
Uładzimir Biełachvostaŭ raskazaŭ, što za apošnija piać hadoŭ zabiaśpiečanaść nasielnictva Biełarusi centralizavanym vodazabieśpiačeńniem pavialičyłasia na 6,8 pracenta i dasiahnuła 86 pracentaŭ pa krainie. «A heta 8,3 młn. čałaviek», — udakładniŭ jon. Pa zabiaśpiečanaści nasielnictva pitnoj vadoj, zhodna z dakładam PRAAN, Biełaruś uvachodzić u hrupu 34 krain, nasielnictva jakich maje stapracentny ŭstojlivy dostup da palepšanych krynic vady. Šmat pa zabieśpiačeńniu nasielnictva jakasnaj vadoj udałosia zrabić dziakujučy prahramie «Čystaja vada» na 2006–2010 hady. Tak, z 2006 hoda ŭviedzieny ŭ ekspłuatacyju 252 abjekty vodazabieśpiačeńnia i vodaadviadzieńnia, u tym liku 82 stancyi ačystki vady ad prymiesiej žaleza, 15 vodazaboraŭ, 49 ačyščalnych zbudavańniaŭ. Na realizacyju mierapryjemstvaŭ dziaržprahramy zatračana kala Br730 młrd.
U toj ža čas, pavodle słoŭ ministra, niahledziačy na značny abjom rabot pa raźvićciu centralizavanaha vodazabieśpiačeńnia i vodaadviadzieńnia, niekatoryja pytańni ŭ hetaj halinie jašče zastalisia niavyrašanymi. Naprykład, centralizavanym vodazabieśpiačeńniem nie zabiaśpiečana amal 1,4 młn. čałaviek, u tym liku 1,1 młn. čałaviek sielskaha nasielnictva. Kala 2 młn. čałaviek vykarystoŭvajuć vadu z kolkaściu žaleza vyšejšaj za sanitarnuju normu 0,3 mh/ł. Pa svajmu techničnamu stanu ŭ terminovaj zamienie majuć patrebu kala 8 pracentaŭ vodapravodnych i 5 pracentaŭ kanalizacyjnych sietak. Akramia hetaha, nieabchodna rekanstrukcyja i madernizacyja 227 ačyščalnych zbudavańniaŭ kanalizacyj z prymianieńniem sučasnych technałohij i abstalavańnia dla ačystki. Hetyja prablemy płanujecca vyrašyć u nastupnaj piacihodcy.
U svaju čarhu prem'
