U Pieciarburhu ździejśnieny napad na Vadzima Bojku, praparščyka milicyi, viadomaha pad mianuškaj «žamčužny praparščyk».
Fota ADRomy4.livejournal.com
Bojka vyznačyŭsia tym, što prajaŭlaŭ asablivuju žorstkaść padčas razhonu mitynhaŭ «niazhodnych». Jaho dziejańni vostra abmiarkoŭvalisia ŭ internecie, a chatni adras i numar telefonu chutka stali dastupnyja dla ŭsich achvotnych. Paśla hetaha na adras milicyjaniera pačali pastupać pahrozy.
Adnak realizavalisia jany tolki 15 vieraśnia. Pozna ŭviečary Vadzim Bojka niepadalok ad stancyi mietro «Prośpiekt Bolšievikov» byŭ pabity nieviadomym. Da praparščyka niechta nabliziŭsia zzadu i sa słovami «Atrymaj, žamčužny praparščyk», mocna ŭdaryŭ jaho pa hałavie tupym pradmietam. U vyniku V.Bojka byŭ špitalizavany z dyjahnazam strasieńnie mazhoŭ. Jon dahetul znachodzicca ŭ lakarni.
Tym časam moładzievyja ruchi i arhanizatary akcyj pratestu ŭ Pieciarburhu svaju prynaležnaść da incydentu admaŭlajuć. Ich całkam zadavoliła kryminalnaja sprava pa fakcie pieravyšeńnia słužbovych paŭnamoctvaŭ praparščykam Bojka, pavodle jakoj jamu pahražaje da 10 hadoŭ źniavoleńnia.
Svaju mianušku praparščyk Bojka atrymaŭ dziakujučy tamu, što źbivaŭ demanstrantaŭ, pačapiŭšy na ruku žančužnaje ŭpryhožańnie.
