Zubry taki zabaroli kazanskich barsaŭ abnoŭlena ŭ 22:01 4

goals.by

Minskaje «Dynama» vyjhrała 21 vieraśnia na svajoj placoŭcy ŭ dvuchrazovaha ŭładalnika Kubka Haharyna «Ak Barsa» ź likam 5:4. Asnoŭny čas skončyŭsia ź likam 4:4. I na 30-j siekundzie oviertajma Siarhiej Dziamahin pastaviŭ tłustuju kropku

***

Dvuchrazovy ŭładalnik Kubka Haharyna pieršym zakinuŭ šajbu ŭ matčy. Na 5-j chvilinie vyznačyŭsia Marceł Hosa. «Dynama» lik zraŭniała — šajbu zakinuŭ jaje kapitan — Jožef Štumpieł, a zatym vyjšła napierad (Padhradski).

Na pierypynak kamandy pajšli pry liku 2:1, u druhim pieryjadzie abmianialisia šajbami, a treci pieryjad zastaŭsia za dvuchrazovymi čempijonami Lihi. U vyniku — 4:4 — i oviertajm, jaki zastaŭsia za minčukami — 5:4.

Matč prajšoŭ pry anšłahu, siońnia pabity rekord naviedvalnaści matčaŭ KCHŁ

(na matčy prysutničaŭ 15 531 hladač), raniejšy rekord,u Pieciarburhu, składaŭ 12 090.

i pry šalonaj padtrymcy trybunaŭ.

***

Na paślamatčavaj pres-kanfierencyi trenier «Dynama» Marek Sikora zaznačyŭ: «Ja vielmi zadavoleny vynikam. Vyjhrać u čempijona Rasii, čempijona lihi — heta dobra. Apošnija chviliny 3-ha pieryjada „Ak Bars“ mocna daviŭ. A ŭ oviertajmie nam pašancavała».

Marek Sikora taksama žartam prakamientavaŭ anšłah na matčy. «Ja bačyŭ kancert Stynha i dumaŭ, što hety rekord tut užo nikoli (kolkaść hledačoŭ) nie budzie pabity. Pamyliŭsia. Kaniečnie, vielizarnaja padtrymka nam mocna dapamahła».

Taksama hałoŭny trenier biełaruskaha kłuba zaznačyŭ, što narešcie źviano kapitana Štumpieła narešcie spraŭdziła spadziavańni.

Hałoŭny trenier «Ak Barsa» Zinetuła Bilaletdzinaŭ skazaŭ, što jaho kamanda rychtujučysia da pajadynka, razumieła, što supiernik budzie nastrojvacca na matč, kab dastojna zhulać doma paśla paśpiachovaha turnie ŭ Sibiry.

«Vynikam nie zadavoleny», — reziumavaŭ koŭč dziejučych čempijonaŭ.

«Dynama» zastałosia lideram kanfierencyi «Zachad» i ŭsioj lihi, choć za pieramohu ŭ oviertajmie atrymała 2 bały. Ciapier kamanda maje piać pieramoh (čatyry ŭ asnoŭny čas, adna ŭ oviertajmie, adnu parazu (14 punktaŭ, roźnica šajbaŭ 22–13).

Kanfierencyja «Zachad»: Dynama Minsk — 14 (6), Dynama Ryha — 11 (6), Tarpieda, ACHK Dynama — 10 (5), SKA — 10 (7), Sievierstal — 9 (5), Łakamatyŭ, CSKA — 8 (5), Atłant — 6 (5), Spartak — 6 (6), Viciaź — 3 (5).

***

21 vieraśnia (aŭtorak), Minsk-Arena 15 531 hladač.

Lik pa pieryjadach: 2:1, 1:1, 1:2, 1:0 — 5:4.

Šajby:

0:1 — 04:59 Marceł Hosa (Zacharčuk),
1:1 — 9:26 Štumpieł (Śpirydonaŭ, Hłazačaŭ),
2:1 — 14:22 Padhradski (Hłazačaŭ, Štumpieł).
2:2 — 25:24 Jarka Imanien (Ihar Ščadziłaŭ).
3:2 — 26:00 Śpirydonaŭ (Antonaŭ).
3:3 — 41:41 Jańnie Piesanien.
4:3 — 44:19 — Hłazačaŭ (Štumpieł).
4:4 — 46:50 — Marozaŭ (Kapanien, Zarypaŭ).
5:4 — 60:30 Dziamahin.

Štraf: 16–6.

***

Skład «Dynama»: Miezin; Padhradski — Mojžyš, Hłazačoŭ — Štumpieł (k) — Śpirydonaŭ; Korabaŭ, Pietrašak, Niemiroŭski — Płat — Kułakoŭ; Kaściučonak, Antonaŭ, Mialeška — A.Staś — Dziamahin; Kačatkoŭ — S.Varłamaŭ — Varłamaŭ.

Hały pavodle sistemy hoł+pas

Śpirydonaŭ — 7 (3+4), Niemiroŭski — 6 (0+6), Płat — 5 (4+1), Štumpieł, Hłazačaŭ — 5 (2+3), Dziamahin — 4 (4+0), Dziamahin — 4 (4+0), Kułakoŭ — 4 (3+1), Padhradski — 4 (1+3), Mialeška, Michaloŭ, Antonaŭ — 2 (1+1), Staś, Varłamaŭ — 2 (0+2), Pietrašak — 1 (1+0), Kaściučonak, Mojžyš — 1 (0+1).

Nastupny matč «Dynama» praviadzie ŭ Minsku suprać «Naftachimika». Hulnia projdzie 23 vieraśnia (čaćvier), pačatak, a 19-j.

U subotu, 25 vieraśnia, hulnia — z «Aŭtamabilistam» (pačatak, a 17-j).

Aleh Hardzijenka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH