Minabarony: Piłoty MiH-29 zahinuli, advodziačy samalot ad viosak 41

23 vieraśnia prykładna ŭ 17.00 u Bresckaj vobłaści padčas płanavych palotaŭ pry vykanańni elemientaŭ piłatažu pavyšanaj składanaści na małych vyšyniach paciarpieŭ katastrofu samalot MiH-2961-j źniščalnaj avijacyjnaj bazy VPS i vojskaŭ SPA Uzbrojenych sił (Baranavičy).

Jak paviedamiła pres-słužba Ministerstva abarony Biełarusi, ekipaž pavietranaha sudna ŭ składzie lotčyka 1-ha kłasa, kamandzira avijacyjnaj eskadrylli padpałkoŭnika Siarhieja Kavalenki i lotčyka 2-ha kłasa, namieśnika kamandzira avijacyjnaha źviana majora Alaksandra Žyhajły, praduchilajučy padzieńnie samalota na nasielenyja punkty, advioŭ mašynu ŭ rajon lasista-bałocistaj miascovaści, dzie i adbyłosia jaje krušeńnie. Piłoty zahinuli.

Pryčyny i abstaviny trahiedyi vyśviatlaje śpiecyjalnaja kamisija vajennaha viedamstva.

***

Ministerstva abarony vykazvaje spačuvańni rodnym i blizkim vajennasłužačych i akaža im dapamohu ŭ adpaviednaści z zakanadaŭstvam.

Nahadajem, 30 žniŭnia 2009 hoda padčas pakazalnych vystupleńniaŭ na avijašou ŭ polskim Radamie paciarpieŭ katastrofu Su-27 hetaj ža avijabazy. Dva piłoty zahinuli.

21 krasavika 2010 hoda padčas praviadzieńnia płanavaha palotu va ŭmovach abmiežavanaj bačnaści pry vykanańni manieŭru pavyšanaj składanaści adbyłosia sutyknieńnie ŭ pavietry dvuch samalotaŭ MiH-29927-j źniščalnaj avijacyjnaj bazy (Biaroza, Bresckaja vobłaść). Niadaŭna hetaje avijacyjnaje złučeńnie ŭvajšło ŭ skład 61-j źniščalnaj avijacyjnaj bazy.

U vyniku adna z mašyn atrymała paškodžańni, jakija nie dazvolili praciahvać palot. Lotčyk zdoleŭ vyvieści źniščalnik u rajon 210-ha avijacyjnaha palihona i, pierakanaŭšysia ŭ adsutnaści nasielenych punktaŭ, katapultavaŭsia. Prafiesijnyja dziejańni druhoha piłota dazvolili druhoj mašynie paśpiachova pryziamlicca na bazavym aeradromie.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH