pressball.by

pressball.by

Minskaje «Dynama» paciarpieła na svajoj placoŭcy bujnuju parazu ad nižniakamskaha «Naftachimika», jaki treniruje były hałoŭny trenier biełaruskaj zbornaj Uładzimir Krykunoŭ — 1:6. Sieryja ź piaci pieramohaŭ spynienaja balučym ščaŭčkom pa nosie.

Paśla pieršaha pieryjada lik byŭ 0:2, i hałoŭny trenier biełaruskaha kłuba Marek Sikora pamianiaŭ u varotach Miezina na Miku Oksu (heta jahony debiut u KCHŁ).

Ale za 10 chviłn Oksa, dakładniej za niapoŭnyja čatyry chviliny, prapuściŭ try šajby — 0:5. Praź dźvie chviliny biełarusy zakinuli adnu šajbu ŭ adkaz (Staś),

a potym 1 chvilinu 50 siekundaŭ hulali piać na try, ale ničoha zrabić nie zmahli.

Na 7-j chvilinie ŭ varoty Oksy byŭ pryznačany bulit, jaki realizavaŭ Alaksiej Simakoŭ.

1:6, i zaŭziatary stali pakrysie pakidać trybuny.

Potym znoŭ biełarusy hulali piać na try, ale tak i nie zdoleli realizavać šaniec.

Nahadajem, što dahetul paśla startavaj parazy ad «Tarpieda» u našych chakieistaŭ byli piać pieramohaŭ zapar, pryčym try na vyjeździe, a zatym doma nad dvuchrazovym uładalnikam Kubka Haharyna «Ak Barsam».

***

Siońnia na matčy prysutničali 11 929 zaŭziataraŭ. 21 vieraśnia na matčy z «Ak Barsam» byŭ anšłah i byŭ pabity rekord pa naviedvalnaści ŭ KCHŁ. Za matčam naziraŭ 15 531 zaŭziatar.

Niahledziačy na parazu, «Dynama» zastałosia lideram Lihi i kanfierencyi «Zachad», bo «Dynama» Ryha - adzinaja kamanda, što mahła dahnać biełaruski kłub - prajhrała na svajoj placoŭcy «Aŭtamabilistu» — 1:2.

Kanfierencyja Zachad:

Dynama Minsk — 14 (7 hulniaŭ, piać pieramohaŭ (adna u oviertajmie), dźvie parazy, roźnica šajbaŭ 23–19), ACHK Dynama — 13 (6), Tarpieda — 12 (6), Łakamatyŭ, Dynama Ryha — 11 (6), SKA — 10 (8), Sievierstal, Atłant — 9 (6),CSKA — 8 (6), Spartak — 7 (7), Viciaź — 3 (6).

U kanfierencyi Uschod: «Sibir», «Ak Bars» i «Sałavat Jułajeŭ» majuć pa 12 punktaŭ.

***

Na paślamatčavaj pres-kanfierencyi trenier haściej Uładzimir Krykunoŭ skazaŭ: «U sporcie ŭsio mahčyma, realizavali, potym zabili, vielmi dobra hulaŭ naš varatar Ivan Kasucin — voś składniki pośpiechu. Ale čempijanat praciahvajecca, napieradzie šmat hulniaŭ».

Marek Sikora: (Dynama): «Chaču pavinšavać kalehu ź pieramohaj. Pieršyja 10 chvilin „Naftachimik“ bajaŭsia, dumaŭ, što hulaje z čempijonam Rasii (uśmichajecca). potym my prapuścili dva hały, potym — jašče try. U trecim pieryjadzie my mahli zabić, mieli paru momantaŭ. Škada zaŭziataraŭ.

Kamanda siońnia była miortvaja.
(…) Byli kiepskija pradčuvańni pierad hulnioj. Ja ŭžo bajaŭsia hulni z „Ak Barsam“. Ja nie viedaju, ci možna kazać, što heta nastupstvy pajezdki? Mnie ciažka kazać, heta asabistyja prablemy hulcoŭ. Ja ž dušu nie baču. Zaŭtra budziem pra heta havaryć z kamandaj».

(Pra nastupnuju hulniu z «Aŭtamabilistam») Heta dla mianie važnaja hulnia, bo heta budzie matč paśla siońniašniaj parazy i pierad vyjezdam u turne. Ja nie hladžu na «Aŭtamabilist» jak na byłuju kamandu. Mnoha novych hulcoŭ pryjšło».

***

Statystyka matča

0:1 — 13:36 — Bjorn Mielin (Daniel Fierncholm, Marten Sen-Pjer — u bolšaści)
0:2 — 17:51 — Dźmitryj Makaraŭ (Maksim Piastuška)
0:3 — 25:02 — Jakucenia (Sen-Pjer, Mielin)
0:4 — 25:25 — Andrej Ivanoŭ (u bolšaści)
0:5 — 28:53 Renat Mamašaŭ (Andrej Ivanoŭ, Alaksiej Simakoŭ — u bolšaści)
1:5 — 31:55 — Dźmitryj Mialeška (Andrej Staś)
1:6 — 46:42 — Alaksiej Simakoŭ (bulit).

Lik pa pieryjadach: 0:2, 1:3, 0:1.

Štraf: 12–12.

Kolkaść zaŭziataraŭ: 11 929.

Najlepšyja hulcy matča: Siarhiej Dziamahin (Dynama), varatar Ivan Kasucin (Naftachimik).

Skład «Dynama»: Miezin (Oksa, 20:01); Mojžyš — Padhradski, Hłazačoŭ — Štumpieł (k) — Śpirydonaŭ; Korabaŭ, Pietrašak, Niemiroŭski — Płat — Kułakoŭ; Kaściučonak, Antonaŭ, Mialeška — A.Staś — Dziamahin; Kačatkoŭ — S.Varłamaŭ — Michaloŭ.

***

Hoł+pas paśla 7 hulniaŭ

Śpirydonaŭ — 7 (3+4), Niemiroŭski — 6 (0+6), Płat — 5 (4+1), Štumpieł, Hłazačaŭ — 5 (2+3), Dziamahin — 4 (4+0), Dziamahin — 4 (4+0), Kułakoŭ — 4 (3+1), Padhradski — 4 (1+3), Mialeška - 3 (2+1), Staś - 3 (1+2), Michaloŭ, Antonaŭ — 2 (1+1), Varłamaŭ — 2 (0+2), Pietrašak — 1 (1+0), Kaściučonak, Mojžyš — 1 (0+1).

***

Nastupny matč «Dynama» praviadzie ŭ subotu, 25 vieraśnia, suprać «Aŭtamabilista» (Jekaciarynburh),
mienavita hetu kamandu treniravaŭ siońniašni koŭč «Dynama» Marek Sikora.

Pačatak matča, a 17-j.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?