30 vieraśnia BATE adkryvaje chatni jeŭrakubkavy siezon matčam suprać haściej z hałandskaha Ałkmara. Hulnia pojdzie na minskim stadyjonie «Dynama», pačatak u 22:05.

Cikavaść da matča zusim nievysokaja Pryčyn tamu moža być niekalki – vosieńskija daždžy, «niahučnaje" imia supiernika, poźni čas matču i ciažkaści z transparciroŭkaj balelščykaŭ.

U samim Barysavie z 6 tysiač pradastaŭlenych kvitkoŭ pradadziena ŭsiaho 2300. Pa słovach pracaŭnikoŭ stadyjona, heta vielmi mała. U Minsku ažyjataž taksama nie nazirajecca. Za dzień da hulni pradadziena ŭsiaho čatyry tysiačy kvitkoŭ. Razam plusujem z Barysavam – atrymlivajecca krychu bolš za šeść tysiač.

Zrešty, dzivicca słabym prodažam, napeŭna, nie varta. Heta «Reał», «Juvientus» i «Zienit» budaražyli rozumy i fantaziju, prymušajučy iści na stadyjon pry tempieratury nul hradusaŭ.

Hałandski kłub – nie toj supiernik, dziela jakoha ludzi, časta dalokija ad futboła, buduć mierznuć na stadyjonie
.

A ŭ dzień hulni sinoptyki abiacajuć ŭsiaho 5-7 hradusaŭ ciapła. Hryp zaraz možna padčapić i biez futboła – mabyć, tak razvažaje abyvaciel.

Ale jość i jašče adna, prychavanaja, pryčyna słaboj cikavaści da BATE ŭ rodnym horadzie.

Kłub nie zajmajecca dastaŭkaj zaŭziataraŭ, ličačy, što heta sprava pradpryjemstvaŭ, jakija padajuć zajaŭki na kvitki. Ale ž jość zaŭziatary, jakija jeduć na hulniu samastojna, a nie kalektyŭna. Kali dabracca da Minska budzie nieskładana, to ź viartańniem dadomu mohuć paŭstać prablemy.

Hulnia zakančvajecca pryblizna apoŭnačy, a apošniaja elektryčka na Barysaŭ sychodzić sa stancyi Instytut Kultury ŭ 0.30. Takim čynam, u rasparadžeńni barysaŭčan budzie paŭhadziny, kab dabracca da ciahnika. Uličvajučy našu «prapusknuju sistemu» na stadyjonie, možna vykazać zdahadku, što kamuści daviadziecca zanačavać u stalicy. Praŭda, hatel «Minsk» znachodzicca niepadalok.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?