Arhanizatary hramadskich słuchańniaŭ «Rekanstrukcyja Kałožy: za i suprać» źviarnulisia da ministra kultury Paŭła Łatuški z prośbaj zachavać carkvu XII stahodździa ŭ ciapierašnim vyhladzie.
Zvarot padpisali staršynia hrodzienskaj TBŠ Taćciana Kanopkina, daktary histaryčnych navuk Aleś Smalančuk i Aleś Kraŭcevič, krajaznaŭca Andrej Vaškievič.
Tekst zvarotu skłali pa vynikach hramadskaj dyskusii pra rekanstrukcyju Kałožy, jakaja prajšła 23 vieraśnia ŭ Hrodnie.
Ekśpierty sumniajucca ŭ jakaści arhanizacyi budaŭnictva i adukavanaści prajekciroŭščykaŭ, słušnaści vykarystańnia sučasnych budaŭničych materyjałaŭ i samoj idei rekanstrukcyi ścien, što kaliści abvalilisia ŭ Nioman. Aleś Kraŭcevič havoryć, što my nie viedajem, jak vyhladała Kałoža ŭ XII stahodździ:
«Što by ni prydumali, heta budzie fentezi! I kožny adukavany čałaviek heta budzie viedać».
Hrodziency prapanuć jak śled zakansiervavać staražytny pomnik u siońniašnim vyhladzie i ŭzhadnić isnujučy płan
