Pra heta paviedamiŭ ministr sielskaj haspadarki aŭtanomnaj respubliki Emzar Dzirkvadze padčas rabočaj sustrečy z namieśnikam ministra sportu i turyzmu Biełarusi Časłavam Šulhoj, jakaja adbyłasia ŭ biełaruskim viedamstvie.
Pa słovach adžarskaha ministra, jaki kuryruje taksama i pytańni turyzmu, infrastruktura rehijonu całkam abnoŭlenaja, što ŭžo dazvalaje prymać da adnaho miljona turystaŭ u hod. Da 2012 hoda ŭ Adžaryi skončycca budaŭnictva hatelnych kompleksaŭ dźviuch suśvietnych łancužkoŭ Hilton i Kempinski, i heta daść mahčymaść pavialičyć turystyčny patok udvaja.
Bolš za toje, u Adžaryi užo siońnia stvoranyja vydatnyja ŭmovy dla raznastajnych zabaŭ i sportu, uklučajučy skałałažańnie, palavańnie i rybałku, vodnyja vidy sportu. Hetaja respublika na paŭdniovym-zachadzie Hruzii znakamitaja svaimi lačebnymi krynicami i kurortami Čornaha mora, nacyjanalnaj kuchniaj i bahatymi tradycyjami.
Dla biełaruskich turystaŭ pryvabnaść Adžaryi uzmacniajecca jašče i tym, što, pa-pieršaje, heta biaźvizavy kirunak, a pa-druhoje, Nacyjanalnaja avijakampanija «Biełavija» z 15 vieraśnia pačała vykonvać pramyja rejsy Minsk - Batumi dva razy na tydzień.
Košt kvitka na najbližejšyja dni tudy-siudy ad 278 jeŭra
