Photo: CENTRAL SCOTLAND NEWS AGENCY
Archiŭnaje fota
U Edynburhu pastaviać pomnik buramu miadźviedziu, jaki prymaŭ udzieł u Druhoj suśvietnaj vajnie i zmahaŭsia suprać armii hitleraŭcaŭ u składzie Armii Andersa.
Pavodle słovaŭ skulptara Ałana Chieryjota, manumient budzie ŭjaŭlać saboj kampazicyju z statui miadźviedzia Vojteka i sałdata Piatra Prendzisa, jaki dahladaŭ žyviolinku. Žaŭnier budzie stajać, pakłaŭšy ruku na karak lasnoha asiłka, ź jakim pamiž bajami lubiŭ špacyravać pa vajennym łahiery.
Historyja słavutaha Vojteka pačałasia, kali bajcy 22-j roty polskaha korpusa znajšli miadźviedziania. Było toje nie ŭ lasach pad Radaškovičami, a ŭ Iranie, a miadźviedź - siryjskaha pachodžańnia. Tym nie mieš sałdaty vyrašyli pakinuć jaho sabie. Praź niejki čas miadźviedź pieratvaryŭsia ŭ dvuchmiatrovaha drapiežnika, jaki važyŭ kala 200 kh.
Vojtek ličyŭsia talismanam svajho padraździaleńnia. Jon nie tolki ŭzdymaŭ nastroj paplečnikam, ale i sam ździejśniŭ niamała podźvihaŭ na palach bitvaŭ.
Adnym z najbolš jarkich epizodaŭ ź jaho udziełam staŭ vypadak ŭ 1944 hodzie padčas bitvy pad Monte-Kasina.
Pad škvalnym ahniom praciŭnika lasny vołat dastaviŭ vialikuju kolkaść snaradaŭ dla artyleryi sajuźnikaŭ.
Paśla zaviaršeńnia Druhoj suśvietnaj vajny Vojtek pasialiŭsia ŭ Edynburhskim zaaparku, dzie i znachodziŭsia na zasłužanym adpačynku da zakančeńnia svaich dzion.
