Minharvykankam pieradumaŭ budavać stadyjon «Traktar» na 45 tysiač hledačoŭ 2

Tydzień tamu staršynia Minharvykankamu Mikałaj Ładućka zajaviŭ pra toje, što ŭ Ščamyślicy pad Minskam budzie pabudavany Nacyjanalny stadyjon źmiaščalnaściu 30 tysiač čałaviek. Košt prajektu aceńvajecca ŭ hihanckija paŭmiljardu dalaraŭ.

Ale jak być ź jašče adnym «nacyjanalnym stadyjonam», anansavanym Minharvykankamam? Reč u tym, što na miescy ciapierašnaha stadyjona «Traktar» litoŭski miljanier Uładzimir Ramanaŭ abiacaŭ uźvieści novuju arenu, jakaja b mahła źmiaścić 18 tysiač hledačoŭ, i rekanstrujavać toj stadyjon, što ŭžo isnuje. Inviestycyjnaja damova była padpisanaja ŭ dalokim 2007 hodzie. Pa pieršasnych padlikach,

košt prajektu aceńvaŭsia ŭ $700–720 miljonaŭ.

U sakaviku 2010 hoda Minharvykankam vystupiŭ z prapanovaj — karennym čynam źmianić prajekt i pabudavać 45-tysiačny stadyjon. Litoŭcy byli vymušanyja zhadzicca z prapanovoj, praŭda, paprasili dadatkovy čas na abnaŭleńnie prajektu i ŭniasieńnie źmienaŭ u dakumientacyju. Ale

pakul inviestary rychtavalisia, Minharvykankam… u čarhovy raz pieradumaŭ!

Jak paviedamili karespandentu ««NN» u SZAT «Stadyum», minskija ŭłady kančatkova vyrašali budavać 18-tysiačnuju arenu. Niahledziačy na paŭhadavuju zatrymku, vyklikanuju najapeŭnaściu, terminy realizacyi prajektu zastalisia raniejšymi. Stadyjon musić być adkryty ŭ 2012 hodzie.

Jaŭhien Vasilkoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH