Uładzimir Niaklajeŭ 25 kastryčnika padaŭ u CVK skarhu na parušeńni inicyjatyŭnaj hrupaj Alaksandra Łukašenki vybarčaha zakanadaŭstva.
Jak paviedamiŭ Niaklajeŭ, u skarzie ŭkazvajucca fakty zboru podpisaŭ ludźmi, jakija nie ŭvachodziać ŭ inicyjatyŭnuju hrupu Łukašenki, a taksama zboru podpisaŭ u miescach, dzie heta zabaroniena zakanadaŭstvam.
Pavodle słoŭ Niaklajeva, usie hetyja fakty zadakumientavanyja, a niekatoryja ź ich źniatyja na videa. Dyski ź videa Niaklajeŭ prykłaŭ da skarhi.
Pretendent u prezidenty adznačyŭ, što jaho skarha była pryniataja. «Nijakich prablem z padačaj skarhi my nie sustreli», — skazaŭ Niaklajeŭ. Jon spadziajecca, što skarha budzie razhledžanaja pa sutnaści.
Nahadajem, 23 kastryčnika anałahičnuju skarhu razhladała Minskaja haradskaja vybarčaja kamisija. Adnak jana pryniała rašeńnie pieradać skarhu rajonnym vybarčym kamisijam.