Respublikanskaja Dziaržaŭtainśpiekcyja pastupova ŭvodzić u ekspłuatacyju na aŭtadarozie M1/Je30 Brest — Minsk — miaža Rasii sistemu fota- i videafiksacyi parušeńniaŭ chutkasnaha režymu.
Niekalki socień vadzicielaŭ užo atrymali pa pošcie pastanovy ab pryciahnieńni da administracyjnaj adkaznaści.
Pra heta na
Razam z pastanovaj uładalniki transpartnych srodkaŭ atrymali vidarys momantu parušeńnia z ukazańniem chutkaści, vyjavaj aŭtamabila i taho, chto siadzieŭ za rulom.
Zaraz na M1/Je30 u źviazanym režymie pracujuć bolš za 20 kamier. Funkcyjanuje centr apracoŭki źviestak. Pakul adpracoŭvajucca ŭsie techničnyja niuansy sistemy, hetych mahutnaściej dastatkova, skazaŭ Padbiarozkin. U pierśpiektyvie kolkaść kamier na hałoŭnaj aŭtadarozie krainy pavialičycca ŭ razy. Aprača taho, kamiery źjaviacca i na inšych aŭtadarohach.
Pavodle słoŭ namieśnika načalnika UDAI MUS, sistemu nieabchodna nastroić tak, kab jana pracavała biez zbojaŭ i ŭ vadzicielaŭ nie było padstaŭ dla vystaŭleńnia pretenzij. Pry hetym jon zaznačyŭ, što pakul skarhaŭ ad tych, chto ŭžo atrymaŭ pastanovu ab pryciahnieńni da adkaznaści, nie pastupała.