Vakoł cieła na poli – pravilna nakreśleny kruh

Cieła 72-hadovaha piensijaniera 4 listapada znajšoŭ vajskoviec la vioski Kamień Vałožynskaha rajona. Cieła 66-hadovaj piensijanierki 6 listapada znajšoŭ prachožy ŭ budynku zakinutaj fiermy ŭ Turec-Bajarach Maładziečanskaha rajona.

U abodvuch vypadkach papiaredniaja pryčyna śmierciaŭ — ahulnaje pieraachaładžeńnie.

Namieśnik prakurora Vałožynskaha rajona Vital Jurevič raskazaŭ, što piensijanier, žychar vioski Kamień Ivianieckaha sielsavieta, źnik dzieści za tydzień da taho, jak znajšli jaho cieła. Mužčyna byŭ abjaŭleny ŭ vyšuk.

4 listapada vajskoŭcy ŭ pošukach źnikłaha pračesvali pole, zasiejanaje azimymi, na adlehłaści prykładna za kiłamietr ad Kamienia. Cieła za 150 mietraŭ ad lesu znajšoŭ adzin sa słužboŭcaŭ. Akazałasia, jon viedaje hetaha mužčynu, bo žyŭ u vioscy ź im na adnoj vulicy.

Pamierły lažaŭ na žyvacie. Na nahach nie było škarpetak, kałošy štanoŭ zakasanyja amal da kalena.

Vakoł cieła na poli — pravilna načerčany kruh. Pa słovach Vitala Jureviča, miedsudekśpierty źviazvajuć heta z tym, što kali čałaviek pačynaje zamiarzać, jon pierad śmierciu moža vykonvać niejkija nieadekvatnyja dziejańni. Naprykład, raspranacca. Ekśpiertyza ŭstanaŭlivaje taksama, ci vypivaŭ piensijanier pierad śmierciu śpirtnoje.

Mužčyna, jaki znajšoŭ u zakinutaj fiermie ŭ Turec-Bajarach cieła piensijanierki, paviedamiŭ pra heta ŭ milicyju. Bačnych cialesnych paškodžańniaŭ na ciele pamierłaj nie było.

Miedycynski sudovy ekśpiert vykazaŭ mierkavańnie, što žančyna mahła pamierci ŭ noč ź piatnicy na subotu. Žančyna žyła adna ŭ Turec-Bajarach. Jaje dačka znachodzicca ŭ miescach pazbaŭleńnia svabody. Ci była piensijanierka na momant śmierci ŭ stanie ałkaholnaha apjanieńnia, vyśviatlaje ekśpiertyza.

0

0

0

0

0

0

Siarhiej Ziańko, Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH