Łukašenka i Hrybaŭskajcie ŭ Minsku, daylife.com
Prezident Litvy Dala Hrybaŭskajcie zajaviła, što pieramoha Alaksandra Łukašenki na prezidenckich vybarach dapamahła b zabiaśpiečyć stabilnaść i abmiežavała b upłyŭ Rasii ŭ postsavieckich krainach.
Pra heta paviedamiła ahienctva Reuters, spasyłajučysia na dypłamatyčnyja krynicy.
Vykazvańnie Hrybaŭskajcie adlustroŭvaje mierkavańni ŭ niekatorych stalicach Jeŭraźviaza, što praciah režymu Łukašenki, niahledziačy na kiepskuju reputacyju ŭ płanie demakratyi i pravoŭ čałavieka, usio ž lepšy, čym pašyreńnie ŭpłyvu Rasii,— piša Reuters.
Pavodle Reuters, prezident Litvy na sustrečy z ambasadarami ES u Vilni ŭ hetym miesiacy zajaviła, što pieramoha Łukašenki źjaŭlajecca bolš pažadanaj.
«Apazicyja nie źjaŭlajecca surjoznaj i nie maje šancaŭ, — cytuje jeŭrapiejski dypłamat słovy Hrybaŭskajcie. —
Łukašenka źjaŭlajecca harantam ekanamičnaj i palityčnaj stabilnaści i jaje niezaležnaści.My (Litva) nie chacieli b la svaich miežaŭ jašče adnu Rasiju»
Niadaŭna Hrybaŭskajcie abmierkavała ŭ Minsku z Łukašenkam pytańni enierhietyčnaha supracoŭnictva. Reuters zaznačaje, što jaje vykazvańni ilustrujuć niedavier Prybałtyki da Maskvy i zakłapočanaść z nahody zaležnaści Centralnaj i Uschodniaj Jeŭropy ad rasijskich nafty i hazu.
Tym časam pres-sakratar Hrybaŭskajcie Linas Balsic admoviŭsia kamientavać žurnalistam paviedamleńnie Reuters. Pry hetym jon, adnak, padkreśliŭ, što kiraŭnica krainy zaklikała svajho biełaruskaha kalehu vykonvać demakratyčnyja standarty.
Pres-sakratar Hrybaŭskajcie taksama adznačyŭ, što «asobnyja paviedamleńni ŚMI z zakrytych sustreč zvyčajna nie kamientujucca».
«Mahu skazać tolki toje, što prezident Hrybaŭskajcie nijakaj aficyjnaj padtrymki nie demanstravała, a zaklikała pravieści vybary maksimalna adkryta i demakratyčna.
Łukašenka heta publična paabiacaŭ», — skazaŭ Linas Balsis.
