MHA «Zhurtavańnie biełarusaŭ śvietu «Baćkaŭščyna» prymała padarunki z nahody 20-hodździa arhanizacyi.
Śviatočnuju viečarynu pačynaje kiraŭnička «Baćkaŭščyny» Alena Makoŭskaja. Fota Zbsb.org.
Ministr kultury Pavieł Łatuška padaryŭ Zhurtavańniu pieravydańnie Uładzimira Karatkieviča. Fota Zbsb.org.
Fota Zbsb.org.
Akademik Radzim Harecki: Nam treba biełaruskamoŭny prezident! Fota Zbsb.org.
Videavinšavańnie ź Vilni ad Chviedara Niuńki. Fota Zbsb.org.
Redaktar biełastockaj «Nivy» Jaŭhien Vapa čakaje biełaruskamoŭnych škołaŭ u Hrodnie. Fota Zbsb.org.
Radzim Harecki, Lidzija Savik, Alena Makoŭskaja, Nina Šydłoŭskaja. Fota Zbsb.org.
Staršynia FNKA «Biełarusy Rasii» Valery Kazakoŭ padaryŭ «Baćkaŭščynie» partret Ściapana Batury. Fota Zbsb.org.
Muzyčnaje vinšavańnie ad «Krambambuli». Fota Zbsb.org.
Pieršymi ź vitalnymi słovami ŭ zali Respublikanskaha centra nacyjanalnych kultur, dzie adbyvałsia śviatkavańnie, vystupili kiraŭnička «Baćkaŭščyny» Alena Makoŭskaja i ministr kultury Pavieł Łatuška. Jany abmianialisia kamplimientami —
Makoŭskaja adznačyła rost uvahi dziaržavy da arhanizacyi, Łatuška padkreśliŭ, što «Baćkaŭščyna» faktyčna praciahvaje rabić toje, što rabiŭ Uładzimir Karatkievič — vučyć biełarusaŭ šanavać svaju ziamlu i movu.Ministr kultury raskazaŭ prysutnym, što viarnuŭsia ź finalnych uračystaściaŭ u Oršy, pryśviečanych 80-hodździu Uładzimira Karatkieviča. Jon vykazaŭ dumku, što šanavać našych kłasikaŭ treba nie tolki ŭ jubilejnyja hady, ale štohod. Pavieł Łatuška padaryŭ «Baćkaŭščynie» pieravydadzienaje pa jahonaj inicyjatyvie da jubileja piśmieńnika «Dzikaje palavańnie karala Stacha» na biełaruskaj, rasijskaj, ukrainskaj i anhlijskaj movach pad adnoj vokładkaj, a taksama dysk z dakumientalnym filmam «Śviet Karatkieviča».
Pramova byłoha prezidenta «Baćkaŭščyny» akademika Radzima Hareckaha była nie zusim śviatočnaj. Jon vykazaŭ niepakoj za istotnaje skaračeńnie kolkaści biełaruskamoŭnych suajčyńnikaŭ. Zhadaŭšy, što akurat zaraz kraina pieražyvaje čarhovy vybarčy pieryjad,
akademik Harecki ćviorda adznačyŭ, što situacyja vypravicca tolki tady, kali kiraŭnik krainy budzie havaryć pa-biełarusku, a ŭśled za im i ŭrad z parłamientam.Hetyja słovy pierarvali apładysmienty zały.
Temu movy praciahnuli nastupnyja vystupoŭcy.
Naš parol, pa jakim my možam paznać adzin adnaho siarod inšych narodaŭ, heta naša mova, biełaruskaja mova. Źniknie hety parol źnikniem i my, skazaŭ paet Hienadź Buraŭkin.Hałoŭny redaktar tydniovika biełarusaŭ u Polščy «Niva» staršynia Biełaruskaha sajuzu ŭ Polščy Jaŭhien Vapa, čyj pryjezd da apošniaha byŭ pad pytańniem z-za składanaściaŭ ź biełaruskaj vizaj, skazaŭ, što čakaje, kali ŭ susiedniaj ź Biełastoččynaj Harodni narešcie źjaviacca biełaruskamoŭnyja škoły.
Staršynia FNKA «Biełarusy Rasii» Valery Kazakoŭ pryznaŭsia, što časam sutykajecca ŭ Rasii z pytańniami, navošta jamu taja mova siarod rasiejcaŭ.
«Kali ja pajdu da Boha, to mova dapamoža mnie patłumačyć, chto taki i adkul uziaŭsia»,— skazaŭ Kazakoŭ. Jon padaryŭ «Baćkaŭščynie» kopiju paradnaha partreta Ściapana Batury, vykuplenuju ŭ Kałužskim mastackim muziei. Pa słovach Kazakova, u muziei zachoŭvajucca dziasiatki vyviezienych niekali ź Biełarusi karcinaŭ. Nastaŭ čas viartać svaje bahaćci na Baćkaŭščynu, upeŭnieny staršynia FNKA «Biełarusy Rasii».
Pavinšavać Zhurtavańnie biełarusaŭ śvietu pryjšli redaktar časopisa «Dziejasłoŭ» Barys Piatrovič, staršynia Biełaruskaha dobraachvotnaha tavarystva achovy pomnikaŭ historyi i kultury Anton Astapovič, movaznaŭca Lidzija Savik, hości z zamiežža — dyrektarka Centra biełaruskaj movy, litaratury i etnakultury Lilija Płyhaŭka, namieśnica staršyni biełaruska-estonskaha zhurtavańnia Zinaida Kłyha. Staršynia Rady BNR Ivonka Surviła dy staršynia Tavarystva biełaruskaj kultury ŭ Litvie Chviedar Niuńka dasłali svaje vinšavańni ŭ vyhladzie aŭdyjo- i videazvarotaŭ.
Muzyčnaje supravadžeńnie śviatočnaj viečaryny zładzili «Stary Olsa», «Unija», Źmicier Sidarovič dy chłapčuki Adaś i Tamaš, Aleś Kamocki i «Krambambula».
