Pieradvybarnaja prahrama kandydata ŭ prezidenty Dźmitryja Usa apublikavana 3 śniežnia ŭ dziaržaŭnych ŚMI, u pryvatnaści ŭ «Źviaździe».
Fota BiełaPAN.
U prahramie havorycca, što vybarčaja sistema Respubliki Biełaruś pabudavana na asnovie vybarčaj sistemy Hiermanii30-ch hadoŭ XX stahodździa.
«Vybary pravodziacca z apiryščam na miascovyja vykanaŭčyja orhany ŭłady. Tak, dyrektary škoł, pradpryjemstvaŭ, hałoŭnyja ŭračy paliklinik, balnic zaklučajuć kantrakty z rajonnymi vykankamami i administracyjami rajonaŭ. Kiraŭnikoŭ vyšejzhadanych pradpryjemstvaŭ i arhanizacyj abaviazvajuć stanavicca staršyniami ŭčastkovych vybarčych kamisij. Z tymi, chto admaŭlajecca, nie pradaŭžajuć pracoŭnyja kantrakty. U vyniku hetaha kiraŭniki traplajuć u niepasrednuju zaležnaść ad miascovaj vykanaŭčaj ułady, jakaja dyktuje, kolki i na jakim vybarčym učastku pavinna być hałasoŭ za peŭnaha kandydata ŭ pratakole padliku biuleteniaŭ», — adznačaje kandydat u prezidenty.
Us paviedamiŭ, što
4 listapada nakiravaŭ Alaksandru Łukašenku adkryty zvarot z prapanovaj terminova ŭnieści ŭ Vybarčy kodeks papraŭku ab tym,
što kožny kandydat na pasadu prezidenta maje prava nakiroŭvać va ŭčastkovyja vybarčyja kamisii svajho pradstaŭnika z paŭnamoctvami padliku biuleteniaŭ i podpisu pratakoła padliku biuleteniaŭ. «Biez hetaj papraŭki nie budzie abjektyŭnych vybaraŭ u krainie», — ličyć jon.
U svajoj prahramie Us zajaŭlaje pra nieabchodnaść adnaŭleńnia adnosin z kiraŭnictvam Rasii. «Siońnia Biełaruś niasie miljardy dołaraŭ straty ŭ suviazi z admovaj Rasii ad tranzitaŭ cieraz terytoryju našaj krainy (aŭtatranzit, tranzit hazu). Pramysłovyja pradpryjemstvy našaj respubliki kuplajuć haz pa trysta dołaraŭ za adnu tysiaču kubamietraŭ, tady jak u 2008 hodzie — pa sorak piać dołaraŭ za adnu tysiaču kubamietraŭ. Sabiekošt pradukcyi ŭ našaj krainie vyras u dva razy. Kab źnizić sabiekošt pradukcyi, novamu prezidentu nieabchodna terminova jechać u Rasiju dla pieramoŭ pa adnaŭleńni ŭzajemavyhadnych ekanamičnych adnosin pamiž dźviuma krainami», — ličyć jon.
Us prapanoŭvaje:
— impartnyja pradukty charčavańnia z krain Zachodniaj Jeŭropy, krain SND nie abkładać mytnymi pošlinami i akcyzami;
— pracoŭnyja piensii pavialičyć za košt finansavych srodkaŭ Kiraŭnictva spraŭ prezidenta;
— stvaryć sproščanuju sistemu padatkaabkładańnia ŭ biźniesie biez abmiežavańniaŭ pa kolkaści rabotnikaŭ i niezaležna ad dachodu pradpryjemstva;
— stvaryć spryjalnuju zakanadaŭčuju bazu dla pryciahnieńnia inviestycyj u Biełaruś, jakaja dazvalaje
— stvaryć u krainie ahrapramysłovyja kompleksy pa vyroščvańni i pierapracoŭcy sielskahaspadarčaj pradukcyi;
— akazać dziaržaŭnuju padtrymku raźvićciu ŭ krainie ahraekaturyzmu, pavialičvać cikavaść da historyi i kultury našaj krainy;
— adnavić «pryncyp zvarotnaj suviazi» pamiž zakanadaŭčaj uładaj i hramadzianami krainy praź miascovyja vykanaŭčyja orhany ŭłady šlacham vybaraŭ apošnich samimi vybarščykami, a nie pryznačeńniem źvierchu.