Pieršy francuzski daviednik pa Biełarusi vydadzieny sumiesna z Nacyjanalnym ahienctvam pa turyźmie.
Ab hetym karespandentu BIEŁTA paviedamiŭ načalnik adździeła markietynhu i vydavieckaj dziejnaści ahienctva Valeryj Bołdyraŭ.
Daviednik padrychtavany vydaviectvam Petit Futé, jaki śpiecyjalizujecca na turystyčnych knihach. Kniha vydadzienaja na francuzskaj movie nakładam u niekalki tysiač asobnikaŭ
i aryjentavanaja vyklučna na frankamoŭnaha čytača.
Biełaruś u daviedniku pradstaŭlenaja jak cikavy, ale nievyvučany turystami kirunak, što robić jaje jašče bolš pryvabnaj. "Francuzskija aŭtary asabliva adznačyli ščodruju biełaruskuju pryrodu, pryjazny i haścinny narod, bahatuju i raznastajnuju kulturu, - raspavioŭ Valeryj Bołdyraŭ. - Usio heta, na ich dumku, nieabchodna ŭbačyć ułasnymi vačyma, pryjechaŭšy ŭ Biełaruś".
Akramia taho, u daviedniku apisanyja najbolš cikavyja słavutaści krainy, dajecca niamała praktyčnaj infarmacyi, źmiaščajecca nievialiki słoŭnik, a taksama pryvodziacca jarkija fatahrafii, jakija pavinny pryciahnuć uvahu francuzskaha turysta.