Kandydat na pasadu prezidenta paviedamiŭ, što da jaho źviarnulisia vysokija pradstaŭniki ŭładnaj viertykali i prapanavali jamu pasadu kiraŭnika ŭrada albo namieśnika kiraŭnika, adkaznaha za ekanamičnyja reformy.
Jak paviedamiŭ Jarasłaŭ Ramančuk 13 śniežnia na
«Z vybaraŭ mnie zdymacca nie prapanoŭvali. Pradstaŭniki administracyi paviedamili, što niekatoryja maje idei nosiać kanstruktyŭny charaktar»,
— skazaŭ Ramančuk.
U adkaz Ramančuk vyłučyŭ šerah patrabavańniaŭ, siarod jakich:
źmieny padychodaŭ u pracy ŭrada, bolšaja samastojnaść u pryniaćci rašeńniaŭ, a taksama mahčymaść pryvieści kamandu prafiesijanałaŭ, jakija b rabić reformy.
Ramančuk paviedamiŭ, što reakcyi na jahonyja patrabavańni pakul niama. Kandydat na prezidenta nie nazvaŭ žurnalistam imia čynoŭnika, jaki prapanavaŭ jamu pasady.
Pavodle Ramančuka, razmova ź viertykalnikam adbyłasia na minułym tydni, da taho jak u subotu jon patrapiŭ u aŭtaavaryju pa darozie z Homielu ŭ Rahačoŭ. Mienavita avaryja, jak kaža kandydat na prezidenta, i padšturchnuła jaho raspavieści pra hetuju prapanovu.
Ci sapraŭdy kandydat u prezidenty ad AHP Jarasłaŭ Ramančuk hatovy pracavać va ŭradzie? Ab hetym my papytalisia ŭ samoha palityka.
«Naša Niva»: Jarasłaŭ, sapraŭdy hatovyja pracavać u siońniašnim uradzie?
Jarasłaŭ Ramančuk: Kali maje ŭmovy buduć vykananyja, to tak.
«NN»: Ličycie, što pry Łukašenku realna realizavać vašy prahramy?
JAR: My zastajomsia prychilnikami kanstruktyŭnaha dyjałohu z uładami. My za realnyja źmieny ŭ krainie, za toje, kab zrabić jaje bolš adkrytaj. Kali takija našy pažadańni supaduć, to čamu b nie. Ale abaraniać intaresy namienkłatury ja nie źbirajusia.
«NN»: A nie baiciesia, što mohuć Vas prosta skarystać?
JAR: Toje samaje było, kali mianie zaprašali ŭ kamisiju pa krainavamu markietynhu. Heta było rašeńnie partyi — uvachodzić u jaho skład. Ciapier taksama. Treba karystacca momantam, kali prapanova ŭładaŭ nasamreč ščyraja i adkrytaja.
«NN»: Jak dumajecie, dziela čaho robicca takaja prapanova?
JAR: Ja nie viedaju, ci tolki mnie jany takoje zrabili. Zdajecca, što peŭnaja častka ludziej va ŭładzie choča namacać niejkaje supracoŭnictva. Kalehi z zamiežža ŭ mianie ŭžo šmat razoŭ zapytvalisia: ci pastupiła mnie takaja prapanova? Ale była jana zusim niadaŭna. Viadoma, što va ŭładzie jość niekalki hrupaŭ. Adny chočuć z nami razmaŭlać, inšyja — nie chočuć. Jany za toje, kab źmienaŭ u krainie nie adbyvałasia.
«NN»: Kaho b uziali ŭ svaju kamandu?
JAR: Ludziej z dośviedam pracy, prafiesijanałaŭ. Naturalna, što šmat kaho z najlepšych pradstaŭnikoŭ demakratyčnych siłaŭ.
* * *
U čynoŭnikaŭ prezidenckaj administracyi vyklikaje uśmiešku zajava, što supracoŭniki Administracyi prezidenta prapanavali Jarasłavu Ramančuku pasadu prem'
Supracoŭnik