Kandydaty ŭ prezidenty Uładzimir Niaklajeŭ i Andrej Sańnikaŭ praviali supolnuju presavuju kanfierencyju z acenkaj vybarčaj kampanii i padrychtoŭkaj ahulnaj pazicyi na płoščy.
Abodva kandydaty zajavili, što ŭ Biełarusi nie byli stvoranyja ŭmovy dla svabodnych i spraviadlivych vybaraŭ, što kandydaty nie majuć svaich siabraŭ u vybarčych kamisijach, što jany byli pazbaŭlenyja apošnija dva tydni vystupić u srodkach masavaj infarmacyi. I tolki pa hetych pryčynach nielha nazvać vybary svabodnymi i spraviadlivymi. Sa svaim zvarotam jany źviarnulisia da Eŭraźviazu, Rasiei, inšych krainaŭ śvietu.
Kandydaty zajavili, što ŭviečary 19 śniežnia jany zaklikajuć svaich prychilnikaŭ na Kastryčnickuju płošču ŭ Miensku dla taho, kab pratestavać suprać niesumlennych vybaraŭ i patrabavać novych vybaraŭ biez udziełu Łukašenki. Niaklajeŭ nazvaŭ akcyju 19 śniežnia «akcyjaj pa źviaržeńni dyktatury». Pavodle jahonych słovaŭ, jana budzie praciahvacca da taje pary, pakul nie padzie dyktatarski režym.
Pavodle słovaŭ Andreja Sańnikava, narod vyznačyć, jaki budzie scenar na płoščy.
