Za dźvie hadziny da abvieščanaj akcyi apazicyi ŭ centr Minska ściahnuty siły pravaparadku.
Nahadajem, što šerah kandydataŭ u prezidenty zaklikali vybarščykaŭ pryjści siońnia ŭ 20.00 na Kastryčnickuju płošču Mienska, kab vykazać niedavier aficyjnym vynikach hałasavańnia. Pry hetym palityki padkreślili — akcyja budzie nasić vyklučna mirny charaktar.
Zaraz u dvarach vulic, prylehłych da praśpiekta Niezaležnaści, znachodziacca hruzaviki z vajskoŭcami. U pryvatnaści, vajennaja technika ź ludźmi była zaŭvažanaja ŭ dvarach vulic Marka, Enhielsa, Lenina, Internacyjanalnaj, praśpiekta Niezaležnaści. Niekalki hruzavikoŭ pryparkavanyja za Pałacam Respubliki. U dvarach žyłych damoŭ, jakija vychodziać na płošču, stajać ludzi ŭ čornych kambiniezonach i čornych šapačkach.
Vakoł Kastryčnickaj płoščy taksama skancentravana značnaja kolkaść lehkavych milicejskich aŭtamabilaŭ. U bok płoščy nieśli mietaličnyja turnikiety.
Ruch pa praśpiekcie nie pierakryty. Na katku, jaki zality na Kastryčnickaj płoščy, šmat ludziej, u tym liku dziaciej.
