Naziralnica Darja Katkoŭskaja raskazała, jak vybarčaja kamisija manipulavała ź biuleteniami na ŭčastku № 17 u Frunzienskim rajonie Minska.
Katkoŭskaja: «Ja była naziralnicaj na ŭčastku № 17 u Frunzienskim rajonie horada Minska. Heta Sucharava, heta toj učastak, vybarcam jakoha źjaŭlajusia ja. Ja była tam razam z maimi znajomymi ź bielhijskaj televizii. Ja nie mahu skazać, što ja bačyła, jak ličyli hałasy, ale heta było ŭpieršyniu (a ja naziraju z 2001 hoda), kali ja stajała ŭ mietry ad stała — mianie trymaŭ kiraŭnik kamisii, mianie trymała milicyja, ale, prynamsi, ja bačyła, jak NIE LIČAĆ HAŁASY. Hetaja situacyja była ŭsia źniataja na videa:
Ja bačyła, što hałasy adnych i tych ža kandydataŭ kładuć u roznyja stosy — heta značyć, što biuleteni, dzie kryžyki stajać u roznych miescach, kładuć to ŭ adnu, to ŭ druhuju stopku.
Potym. Ja hałasavała na tym učastku i svoj biuleteń sapsavała. Na im było napisana: «Sania pajedzie ŭ Haahu». U kancy jany skazali: «Try sapsavanyja biuleteni», i pakazali ich. Ja kažu: «Prabačcie, ja vybarnica hetaha učastku, terminova šukajcie moj biuleteń». Praź dźvie chviliny moj biuleteń z hetym nadpisam byŭ znojdzieny ŭ stosie za A.Łukašenku. Heta značyć, što
kali «Sania jedzie ŭ Haahu», to hety biuleteń čamuści kładuć u jaho stos.Takim čynam, paprostu nichto nie ličyŭ hetyja hałasy. Biuleteni składvalisia ŭ roznyja stosiki, hetyja stosiki niejak farmavalisia, i ŭ vyniku na našych vačach bolš za 80 adsotkaŭ było addadziena Alaksandru Łukašenku. Tam byŭ 71 hołas za Ryhora Kastusiova ź dźviuch tysiač, chacia adziny stos, jaki ja mahła bačyć, heta byŭ stos jakraz za Ryhora Kastusiova. Ja mahu skazać, što tam było kala 200 biuleteniaŭ, kali jany kłali pieršapačatkova ŭ hety stos».
Treba adznačyć, što pačatkovy kurs na stvareńnie vybaram lehitymnaści zaściaroh Katkoŭskuju ad zatrymańnia. U prysutnaści zamiežnaha telebačańnia zatrymać jaje nie rašalisia.
