Ab utrymańni ŭ turmie KDB «Našaj Nivie» raspaviała Enira Branickaja:«Tam 19 kamier. Jość čatyrochmiesnyja, a taksama dla dvaich i traich zatrymanych. Niekalki kamier nie majuć prybiralni, tolki rukamyjniki. Tam trymajuć tolki mužčyn i pa patrebie treba prasić achoŭnika, kab vyvieŭ u prybiralniu. Ježa značna lepšaja, čym u inšych miescach utrymańnia. Jość svoj povar, jaki hatuje ježu dla nievialikaj kolkaści aryštantaŭ. Duš dva razy na tydzień.
Lekar — adzin raz, pa čaćviarham. Tamu ja zaraz nie viedaju, jak tam Niaklajeŭ i inšyja pabityja…
Asobna varta skazać ab supracoŭnikach «amierykanki». Amal usie majuć vyšejšuju adukacyju i tamu staŭleńnie dosyć dobraje. U mianie niama narakańniaŭ na ich pracu».
Spadarynia Branickaja taksama raspaviała, što niahledziačy na vialikuju kolkaść zatrymanych palitykaŭ i aktyvistaŭ i toje, što ich chutčej za ŭsio buduć trymać u roznych kamierach, miescaŭ pavinna chapić usim. Kamiery ŭ turmie KDB nie byvajuć pierapoŭnienymi.
0
0
0
0
0
0
