Kaladnym receptam z čytačami “NN” padzialiłasia Iryna Piatrovič z Ašmianščyny.
Hetuju stravu u našaj siamji abaviazkova rabili na śviata Božaha naradžeńnia.
Ja jašče pamiataju, jak babula piakła prasnaki -- kruhłaje suchieńkaje piačeńnie z posnaha ciesta. Paźniej rolu prasnakoŭ ihrali suški -- śpiecyjalna na śviata vanilnyja suški pryvozili z horada.
Dla maku: mak, cukar pa smaku
Dla prasnakoŭ: 2 st. łyžki muki, vada, sol
Mak na noč zalić vadoj, ranicaj vadu źlić, a mak dobra raścierci taŭkačykam u stupcy (možna niekalki razoŭ prapuścić praź miasarubku). Raściorty mak raźvieści kipiačonaj vadoj da kansistencyi małaka (abo trochi huściej). Heta budzie sous da prasnakoŭ ci sušak.
Zamiasić posnaje ciesta, tonka raskatać, vyrazať šklanačkaj prasnaki, śpiačy na padpylenaj mukoj blasie, adzin raz pieraviarnuŭšy. Hatovyja prasnaki pavinny być suchimi, chrabustkimi.
Palić prasnaki sousam z maku abo mačać ich u sous.
Častku sousu z maku možna pakinuć da kućci i aŭsianaha kisielu -- inšych tradycyjnych kaladnych stravaŭ.
