Strach – za praŭdu kinucca ŭ boj,
strach – nie dahadzić akupantam,
być udoma samim saboj,
čałaviekam być – strach praklaty!
Sud – za dumki volny razmach,
vola – tolki pradažnamu słovu.
Biełarusam być – trojčy strach,
strach – vałodać rodnaju movaj.
Strach – ŭ čužynie svaich bratoŭ,
pierad ździekam strach nie skarycca.
Strach – malicca na movie baćkoŭ,
dziki strach – naahuł malicca!
Strach – što ŭviečary Kalada,
i za syna, što pojdzie ŭ škołu,
strach – što bližniaha nie pradaŭ,
strach – što česny, što nie žyvioła.
Bryhadziraŭ strach na siale,
strach padlizaŭ źmiainych ŭsiudy,
strach – chadzić pa svajoj ziamli,
hdzie načalniki i Iudy.
Strach – humannaści, dabraty,
pierad ruskim strach, pierad lacham, –
my ž nie horšyja, što ž, braty,
moža, chopić hetaha strachu?
0
0
0
0
0
0
