U Redakcyju «Našaj Nivy» źviarnułasia dačka Mikałaja Statkieviča, Kaciaryna.
Jana raskazała, što nieviadomyja telefanavali jaje dziedu, baćku eks-kandydata ŭ prezidenty. Jany chacieli, kab Viktar Paŭłavič «raskazaŭ pra syna». Chacieli dla hetaha pryjści da jaho damoŭ. Razmaŭlali «pahroźlivym tonam» i daviali staroha čałavieka da vialikaj tryvohi.
Jak skazaŭ nam Viktar Paŭłavič, hety čałaviek nie pradstaviŭsia. «Jany chočuć, kab zdradziŭ synu, — kaža sp. Statkievič-starejšy. — ale takoha nie budzie!» Jon u rezkaj formie admoviŭsia sustrakacca, skazaŭ, što jaho nie budzie ŭdoma. U Statkieviča-staroha skłałasia ŭražańnie, što heta byli ci z BT, ci sa śpiecsłužbaŭ i što jany chacieli, kab baćka asudziŭ syna.
Statkieviču-starejšamu 85 hadoŭ, jon žyvie ŭ Baranavičach. Paśla vybaraŭ baranavicki narod uziaŭ jaho pad svaju apieku.
Kaciaryna Statkievič žyvie ŭ Niamieččynie, pracuje na «Aŭdzi».
Sam Mikoła Statkievič prachodzić u jakaści padazravanaha pa spravie ab «biesparadkach» 19 śniežnia. Jon trymaje haładoŭku ad momantu aryštu.
Čytajcie pra raźvićcio padziej na NN.BY.
Mikoła Buhaj
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
