Kala dvaccaci čałaviek z tych, chto byŭ aryštavany ŭ časie razhonie mitynhu 19 śniežnia i asudžany na 10 sutak aryštu, adpuścili.
Pry vychadzie im pieradali paštoŭki z voli. Vyzvalenych sustrakajuć z padarunkami valantery i svajaki viaźniaŭ, asudžanych na bolšy termin, jakija prynieśli pieradačy.
Vyzvalenym prapanujuć pravavuju dapamohu i hrošy, kab dajechać dadomu. U adnaho z vyzvalenych, Mikałaja, ruka ŭ hipsie — specnaz pałamaŭ jaje, razhaniajučy demanstracyju. Jon kaža, što ruka zrasłasia niapravilna i daviadziecca pieralečvać.
Pra ŭtrymańnie ŭ turmie vyzvalenyja asablivych žachaŭ nie apaviadajuć. Kažuć, što najhorš było padčas razhonu akcyi i zatrymańnia, a taksama paźniej, kali niekatoryja pa 2 nočy praviali ŭ aŭtazakach.
Aprača taho, z turmy na Akreścina vyjechaŭ aŭtazak. Nia vyklučana, što ŭ im taksama ŭdzielniki demanstracyi 19 śniežnia.
Ahułam siońnia majuć vypuścić kala 300 čałaviek z roznych turmaŭ, u tym liku — z turmy na Akreścina, z Žodzinskaj turmy, ź izalatara časovaha ŭtrymańnia Mienskaha rajonu.
