MZS Polščy siońnia raspaŭsiudziŭ infarmacyju, što pačynajučy z 1 studzienia 2011 hodu nacyjanalnyja vizy dla biełarusaŭ buduć vydavacca biaspłatna.
«Heta prajava salidarnaści ź biełaruskaj nacyjaj, ja kaja padčas vybaraŭ 19 śniežnia dasłała mocny sihnał padtrymki ŭsich demakratyčnych ruchaŭ. Chočam dapamahčy našym susiedziam umacavać jeŭrapiejskuju samaśviadomaść šlacham bolš častych kantaktaŭ z palakami i inšymi hramadzianami Jeŭrapiejskaha Sajuza», —havorycca ŭ zajavie polskaha Ministerstva zamiežnych spraŭ.
Razam z tym, ujezd u Polšču budzie zabaronieny ŭsim asobam, jakija ŭdzielničali ŭ represijach suprać biełaruskaha demakratyčnaha ruchu. MZS našaj zachodniaj susiedki pakul nie ŭdakładniaje, pavodle jakich kryteraŭ budzie składacca taki śpis.
Varta zaŭvažyć, što ŭ takim vypadku, zhodna z zakanadaŭstvam Jeŭrapiejskaha Sajuza, asobam z "čornaha śpisu" budzie zabaronieny ŭjezd i ŭ inšyja krainy ES.
0
0
0
0
0
0