Na aŭtadarozie Minsk — Homiel «MAN» prataraniŭ čatyry sustrečnyja hruzaviki

DTZ z udziełam piaci hruzavikoŭ adbyłosia viečaram 29 śniežnia na aŭtadarozie Minsk — Homiel pablizu ad pasiołka Tatarka Asipovickaha rajona.

Jak paviedamili va ŭpraŭleńni Dziaržaŭtainśpiekcyi MUS Biełarusi, 38-hadovy žychar Homiela, kirujučy aŭtamabilem «MAN» z paŭpryčepam, vyjechaŭ na pałasu sustrečnaha ruchu i pa čarzie sutyknuŭsia z tryma aŭtamašynami «MAZ», a zatym — «HAZ». U vyniku DTZ na miescy zdareńnia pamior 27-hadovy vadziciel adnaho z ajčynnych hruzavikoŭ. 55-hadovy kiroŭca «HAZa» špitalavany ŭ Asipovickuju centralnuju rajonnuju balnicu.

Z pačatku hoda supracoŭnikami DAI vyjaŭlena 49.630 faktaŭ kiravańnia transpartnymi srodkami ŭ stanie ałkaholnaha apjanieńnia.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH