Mižnarodnaja pravaabarončaja arhanizacyja «Reparciory bieź miežaŭ» asudziła ŭzmacnieńnie represij suprać biełaruskich žurnalistaŭ.
U zajavie havorycca pra pieratrusy, jakija pravioŭ KDB u redakcyjach haziety «Naša Niva», telekanała «Biełsat» i «Jeŭraradyjo», a taksama ŭ žurnalistaŭ. U vyniku byli kanfiskavanyja kampjutary, dyktafony, fota- i videakamiery. Razam z tym ofis «Biełsata» akazaŭsia pustym, pakolki supracoŭniki zahadzia «pieravieźli abstalavańnie ŭ inšaje miesca».
«Reparciory bieź miežaŭ» zaznačajuć, što 28 śniežnia prajšoŭ vobysk u kvatery redaktara sajta charter97.org Natalli Radzinaj, jakaja znachodzicca pad aryštam.
«Hetyja rejdy i praviedzienaje raniej zatrymańnie prykładna 30 žurnalistaŭ dajuć padstavy mierkavać, što ŭrad prezidenta Alaksandra Łukašenki sprabuje pierakryć usie kanały suviazi i spynić usie vidy krytyki», — havorycca ŭ zajavie.
«Reparciory bieź miežaŭ» zaklikajuć urady krain — členaŭ ES i Rasii, a taksama mižnarodnyja arhanizacyi «žorstka adreahavać», kab «praduchilić jašče bolšyja represii Łukašenki ŭ adnosinach da ŚMI».
22 śniežnia