Moładzievamu aktyvistu Dźmitryju Fiedaruku, aryštavanamu na 10 sutak za ŭdzieł u akcyi 19 śniežnia, za kratami pryjdziecca pravieści 18 sutak. Nievierahodna, ale fakt: jamu pryjdziecca adsiadzieć 8 sutak, jakija jon atrymaŭ za ŭdzieł u Pieršamai ŭ 2008 hodzie!
Takich fintoŭ ź ihnaravańniem zakona sistema MUS daŭno nie vykidvała (kali nie ličyć masavuju śniežańskuju «začystku» biez razboru, viny i dokazaŭ). Za ŭdzieł u śviatkavańni Pieršamaja rašeńniem suda Centralnaha rajonu ad 12 maja 2008 hoda aktyvistu byŭ vyniesieny administratyŭny aryšt na termin 10 sutak, jakija jon nie adbyŭ. 28 studzienia 2009 hoda Fiedaruka advieźli adbyvać aryšt u izalatar na Akreścina, što stała hrubym parušeńniem zakona, pakolki ŭ artykule 13.6
Tady, 30 studzienia 2009 hoda, paśla adbytych na Akreścina 2 sutak aryštu Dźmitryj byŭ hvałtoŭna nakiravany ŭ vojska.
I voś bolš jak praz dva z pałovaj hady našy «zakońniki» ŭzhadali pra nieadsiedžanyja ŭ svoj čas Fiedarukom 8 sutak. Moładzievy aktyvist, jaki pavinien byŭ vyjści z Akreścina jašče 29 śniežnia minułaha hoda, praciahvaje ŭtrymlivacca pad vartaj.
