Piter Omtziht źviarnuŭsia da Kamiteta Ministraŭ Rady Jeŭropy z patrabavańniem pryznać apazicyju jak zakonnaha pradstaŭnika biełaruskaha naroda.
«Situacyja ŭ Biełarusi vyklikaje mocnuju tryvohu.
Tamu siońnia ja vynies hetyja pytańni na abmierkavańnie Kamiteta Ministraŭ Rady Jeŭropy. Jany buduć u chutkim časie apublikavanyja, i ja spadziajusia atrymać adkazy Savieta ministraŭ, jaki składajecca z 47 ministerstvaŭ zamiežnych spraŭ», paviedamiŭ deputat parłamienta Niderłandaŭ ad Chryścijanskaj demakratyčnaj partyi (CDA), siabar Parłamienckaj asamblei Rady Jeŭropy, Piter Omtziht.
«Prezidenckija vybary ŭ Biełarusi 19 śniežnia 2010 h. byli praviedzienyja niesumlenna», adznačaje palityk.
Deputat pastaviŭ pierad ministrami nastupnyja pytańni:
— Ci zhodny Kamitet Ministraŭ z tym, što pazbaŭlenyja voli kandydaty źjaŭlajucca palitźniavolenymi, abo jany daviarajuć biesstaronnaści biełaruskaj sudovaj sistemy?
— Ci budzie Kamitet Ministraŭ abmiarkoŭvać i ŭvodzić zabaronu na vydaču viz dla biełaruskich čynoŭnikaŭ u suviazi z tym, što kandydaty ŭ prezidenty znachodziacca ŭ turmie?
— Ci zrobić Kamitet Ministraŭ aficyjnuju zajavu sa svajoj pazicyjaj i asudžeńniem biahučaj palityčnaj situacyi ŭ Biełarusi?
— Ci naładzić ciapier Kamitet Ministraŭ aficyjnyja suviazi z apazicyjaj jak zakonnymi pradstaŭnikami biełaruskaha naroda?
— Ci moža Kamitet Ministraŭ adkazać na hetyja pytańni pierad tym, jak adkryjecca pieršaja častka siesii Parłamienckaj Asamblei ŭ 2011?