Šanoŭnyja siabry!
Zaprašajem vas uziać udzieł u padrychtoŭcy vystavy, pryśviečanaj našym hierojam — aryštavanym i paciarpiełym 19 śniežnia 2010, a taksama toj chvali salidarnaści, jakoj Biełaruś jašče nie viedała. Chočacca, kab našyja niespraviadliva asudžanyja pabačyli, jak heta było.
Na vystavie buduć pradstaŭlenyja fotazdymki, jakija adlustroŭvajuć praces zboru rečaŭ i achviaravańniaŭ, padrychtoŭki pieradačaŭ, a taksama paštoŭki, jakija nie zmohuć dajści da svaich adrasataŭ praz poštu (bo ich bolš, čym aryštavanych, i nie zaŭždy mahčyma było ich vysłać, a chočacca, tym nie mienš, kab jany nie zastalisia niepračytanymi, — jany ščyryja, emacyjnyja i niaredka mastackija) dy mnohaje inšaje.
My prosim vas nieści svaje ekspanaty: malunki, ručnyja mastackija vyraby, inšyja rečy, što mohuć mieć simvaličny sens. A kali vy byłyja siadzielcy — prynoście svaje turemnyja tvory, zapisy dy dziońniki! Prymajem ich da 15 studzienia.
Aproč hetaha vy možacie napisać słovy ŭdziačnaści i padtrymki na našaj Došcy salidarnaści.
Vystava budzie raźmieščanaja z 19 studzienia ŭ pamiaškańni na vuł. Mašerava, 8,
Davajcie razam zrobim našym hierojam pryjemny padarunak na znak našaj udziačnaści!
Kantaktnyja telefony: (029) 6516127,