Siońnia ŭ Bruseli Najvyšejšaja pradstaŭnica ES pa zamiežnych spravach i palitycy biaśpieki Ketryn Eštan sustrełasia ź biełaruskimi demakratami.
Pra heta paviedamiła siastra aryštavanaha kandydata ŭ prezidenty Andreja Sańnikava Iryna Bahdanava.
Jak zajaviła Viarchoŭny pradstaŭnik ES Ketryn Eštan, «ja chaču sustrecca ź ministram zamiežnych spravaŭ Biełarusi tolki dla taho, kab, hledziačy jamu ŭ vočy, papiaredzić, što ŭ biełaruskaj ułady zastalisia ličanyja dni i hadziny, kab adpuścić usich aryštavanych i pasprabavać naładzić adnosiny ź ES».
«U advarotnym vypadku buduć uviedzienyja samyja žorstkija sankcyi», — dadała jana.
Baranesa parazmaŭlała z dačkoj Uładzimira Niaklajeva Jevaj i siastroj Andreja Sańnikava Irynaj i zapeŭniła, što ES prykładzie ŭsie siły dla vyzvaleńnia biełaruskich lideraŭ i ŭsich palitviaźniaŭ. «My nie čakali, što biełaruskija ŭłady praihnarujuć ŭsie papiarednija damoŭlenaści i raźviažuć represii suprać hramadzianskaj supolnaści. My rašuča nastrojenyja pakłaści hetamu kaniec, — skazała Ketryn Eštan. — Jeŭropa budzie adkryvacca dla hramadzian Biełarusi niezaležna ad taho, jakija sankcyi buduć uviedzienyja ŭ adnosinach da režymu», — zapeŭniła Najvyšejšaja pradstaŭnica ES.
Iryna Bahdanava i Jeva Niaklajeva pieradali baranesie Eštan pietycyju ad hramadzianskaj inicyjatyvy «Vyzvaleńnie», u jakuju ŭvachodziać svajaki viaźniaŭ KDB.