Muzyka ličyć dziejańni ŭładaŭ čarhovaj stratehičnaj pamyłkaj.
11 studzienia Respublikanskaja kamisija pa telebačańni i radyjoviaščańni anulavała prava fm-stancyi «Aŭtaradyjo» na naziemnaje efirnaje radyjoviaščańnie ŭ suviazi ź nievykanańniem joj «tvorčaj kancepcyi i raspaŭsiudžvańniem u efiry infarmacyi, jakaja źmiaščaje publičnyja zakliki da ekstremisckaj dziejnaści».
Što pra heta dumajuć papularnyja viadučyja «Aŭtaradyjo»?
Muzyka Źmicier Vajciuškievič nie ździviŭsia zakryćciu radyjostancyi: «Hetaha trebyło čakać, bo hetaja radyjostancyja i siońniašniaja kraina niesumiaščalnyja. Nie pachła tam nijakim ekstremizmam. Prosta sama kancepcyja «Aŭtaradyjo» – heta niefarmat dla sučasnych uładaŭ». Muzyka ličyć, što krok Ministerstva infarmacyi – heta čarhovaja stratehičnaja pamyłka ŭładaŭ. «Heta była adzinaja stancyja, jakuju možna było nazvać radyjo. U nas niama bolš radyjo. Prabačcie, bo ŭsie inšyja fm-stancyi – prosta šłak».
Kaleha Vajciuškieviča Aleh Chamienka, jaki viadzie na «Aŭtaradyjo» zabaŭlalnaje tok-šou, bolš aściarožny ŭ acenkach. «Ja pakul nie bačyŭ usie papiery, uvohule ličanyja chviliny nazad daviedaŭsia pra heta. My tut z kalehami parailisia i vyrašyli, što nie chočam pakul rabić emacyjnych zajaŭ (pry hetym muzyka zrabiŭ akcent na słovie «emacyjnych» – nn.by). Treba ŭsio ŭzvažyć».
