«Biełarusy — našy susiedzi i partniory. My pavinny pavažać i vykonvać ich intaresy, asabliva ŭ hetaj ciažkaj situacyi. Čas nie na našym baku.
My pavinny adreahavać na toje, što adbyłosia, vielmi chutka», — zajaviŭ jeŭrakamisar pa pytańniach pašyreńnia i Jeŭrapiejskaj palityki dobrasusiedstva Štefan Fiule, vystupajučy 12 studzienia na pasiadžeńni kamiteta pa zamiežnych spravach Jeŭraparłamienta ŭ Brusieli.
«My pavinny adreahavać chutka i praparcyjanalna, ale zrabić heta bieź izalacyi biełarusaŭ. Našy dziejańni pavinny być suprać tych, chto vinavaty ŭ parušeńniach, ale nie suprać prostych ludziej», — dadaŭ Fiule.
Pavodle jaho słoŭ, Jeŭrasajuz pavinien «adkryć kanały pramoj dapamohi NDA, ŚMI i studentam, a taksama ablehčyć dla biełarusaŭ mahčymaści pajezdak u ES».
Fiule paviedamiŭ, što ES rychtuje «šerah mier pa padtrymańni hramadzianskaj supolnaści Biełarusi». «Miarkuju, što Biełaruś pavinna brać udzieł u šmatbakovym supracoŭnictvie ŭ miežach Uschodniaha partniorstva», — skazaŭ jon.
«My byli hłyboka šakiravanyja tym, što adbyłosia paśla vybaraŭ u Biełarusi. 700 čałaviek byli zatrymanyja. Šakiruje, što častka ź ich, u tym liku i niekalki
«Prymajučy rašeńni ab mierach u adkaz, my pavinny prytrymlivacca bałansu pamiž našym pasłańniem uładam ab adnosinach da taho, što adbyłosia, i našaj padtrymkaj prostych biełarusaŭ. Ale my nie pavinny całkam spynić dyjałoh i izalavać Biełaruś», — padkreśliŭ jon.
Na dumku Fiule, «adnaŭleńnie vizavaj zabarony dla Łukašenki i čynoŭnikaŭ źjaŭlajecca nieabchodnaj». «Ułady pavinny nieadkładna vyzvalić zatrymanych i spynić kryminalnuju spravu ŭ dačynieńni da ich, kali chočuć paźbiehnuć sankcyj. Heta pytańnie niekalkich dzion, a nie tydniaŭ», — zajaviŭ jon.
