Redakcyja častkova adnaviła kamplekt arhtechniki i spadziajecca, što nastupny numar vyjdzie svoječasova.
Videa «Elektronnyj Borisov»
«Numar vyjšaŭ sa spaźnieńniem na 6 hadzin, ale my jaho zdoleli nadrukavać», – raskazaŭ «Našaj Nivie» hałoŭny redaktar niezaležnaj rehijanalnaj haziety «Borisovskije novosti» Anatol Bukas. Takim čynam, hazieta vyjšła, niahledziačy na toje, što 10 studzienia ŭ časie pieratrusu supracoŭniki milicyi vynieśli z redakcyi ŭsiu arhtechniku – ad kampjutaraŭ, da faksa. Redaktar «BN» patłumačyŭ, što adšukaŭ dla pracy redakcyi 6 kampjutaraŭ, i vykazaŭ spadziavańnie, što nastupny numar vyjdzie svoječasova».
Pieratrus u redakcyi niezaležnaha barysaŭskaha vydańnia, a taksama ŭ kvatery jaho redaktara adbyvaŭsia z sankcyi Upraŭleńnia KDB pa Minskaj vobłaści. Nahoda – śledčyja dziejańni ŭ ramkach kryminalnaj spravy pa fakcie padziej 19 śniežnia ŭ Minsku. Meta pieratrusu – vyjaŭleńnie «pryładaŭ złačynstva». U vyniku dasiahnieńnia hetaj mety viziciory faktyčna pastavili pad pahrozu vychad niezaležnaj haziety.
