Ab hetym zajaviŭ 13 studzienia žurnalistam u Maskvie ministar zamiežnych spraŭ RF Siarhiej Łaŭroŭ, paviedamlajeITAR-TASS .
Pavodle słoŭ Łaŭrova, 12 studzienia ŭ Radzie Jeŭropy «była ŭzhodniena kansensusnaja rezalucyja pa Biełarusi». «Jana adlustroŭvaje ŭ tym liku i punkt hledžańnia Rasii, jak i ŭsich inšych dziaržaŭ Rady Jeŭropy», — zaznačyŭ jon.
«Što tyčycca pracesaŭ, jakija supravadžajuć zaviaršeńnie vybaraŭ u Biełarusi, to my ŭvažliva adsočvajem los našych suajčyńnikaŭ, — dadaŭ rasijski ministr. — My dabilisia vyzvaleńnia bolšaści ź ich. Dva ź ich byli znoŭ aryštavany: im prad`iaŭlena abvinavačańnie ŭ arhanizacyi masavych biesparadkaŭ. Supracoŭniki pasolstva Rasijskaj Fiederacyi ŭ Minsku znachodziacca ź imi ŭ pastajannym kantakcie».
Jak paviedamlałasia raniej, Kamitet ministraŭ Rady Jeŭropy 12 studzienia zaklikaŭ biełaruskija ŭłady nieadkładna vyzvalić aryštavanych kandydataŭ u prezidenty na
«Kamitet ministraŭ prosić biełaruskija ŭłady pradastavić dadatkovuju infarmacyju pra toje, pa jakoj pryčynie kandydaty ŭ prezidenty, žurnalisty i pravaabaroncy byli aryštavanyja ŭśled za vybarami. Jany pavinny być nieadkładna vyzvaleny, a vykanańnie ich čałaviečych pravoŭ pavinna być harantavana, — havorycca ŭ zajavie. — Palityčnyja svabody pavinny pavažacca ŭ poŭnaj miery».
Kamitet ministraŭ zajaviŭ, što «budzie praciahvać padtrymlivać ustanaŭleńnie bolš ciesnych adnosinaŭ pamiž Radaj Jeŭropy i Biełaruśsiu tolki na padstavie pavahi da jeŭrapiejskich kaštoŭnaściaŭ i pryncypaŭ».