Vice-prezident mižnarodnaj fiederacyi pravoŭ čałavieka Aleś Bialacki prakamientavaŭ publikacyju ŭ «SB» «kampramatu» na biełaruskuju apazicyju, u pryvatnaści «frahmient elektronnaj pierapiski pa sistemie «Skajp».
«SB. Biełaruś siehodnia» ŭ numary ad 14 studzienia pačała drukavać abiacany «kampramat» na biełaruskuju apazicyju. Nahadajem, takoje daručeńnie na
Siarod «apieratyŭnych materyjałaŭ» prysutničaje i «frahmient elektronnaj pierapiski pa sistemie «Skajp». Nibyta, Bialacki razmaŭlaŭ pra finansavyja spravy z kaardynataram polskaha fonda «Svaboda i demakratyja».
«Nie, takoj razmovy nie było. Chacia z fondam „Volnaść i demakratyja“ my padtrymlivajem narmalnyja adnosiny.Litaralna ŭčora fundacyja była adnoj z arhanizataraŭ mižnarodnaj kanfierencyi, pryśviečanaj padziejam u Biełarusi, jakaja prachodziła ŭ Varšavie ŭ Sojmie», — kaža Aleś Bialacki.
Pavodle jaho słoŭ, u «SB» nadrukavanaja mana. «Chacia „Skajp“ — sistema dastatkova prazrystaja i joj treba karystacca vielmi aściarožna», — adznačyŭ Bialacki.
Jon miarkuje, što publikacyja padobnych «kampramataŭ» budzie praciahvacca i meta hetaj akcyi — «skampramietavać hramadzianskuju supolnaść, niaŭradavyja arhanizacyi i palityčnyja partyi».
Aleś Bialacki nahadaŭ, što padobnaje praciahvajecca ŭžo 20 hadoŭ. «Štości novaje ciažka pakazać, ale počyrk adzin», — kaža jon.
Hladzi jašče: Silicki pra publikacyju ŭ «SB»: Heta pomsta jeŭrapiejskim palitykam