Prajšoŭ pieratrus u Volhi Niaklajevaj abnoŭlena 1

A pałovie na adzinaccatuju 14 studzienia pačaŭsia pieratrus na kvatery, dzie pražyvaje eks-kandydat u prezidenty Uładzimir Niaklajeŭ razam sa svajoj žonkaj.

«Pieratrus, jaki doŭžyŭsia kala paŭhadziny, pravodzili try čałavieki. Adzin ź ich nazvaŭsia opierupaŭnavažanym KDB staršym lejtenantam Michajłavym», — paviedamiła Volha Niaklajeva.

Pavodle jaje słoŭ, supracoŭniki KDB pavodzili siabie kulturna. Padčas pieratrusu ničoha kanfiskavana nie było.

Lidar kampanii «Havary praŭdu!» Uładzimir Niaklajeŭ poruč ź inšymi čatyrma eks-kandydatami ŭ prezidenty abvinavačvajecca ŭ arhanizacyi i ŭdziele ŭ masavych biesparadkach (art. 293 Kryminalnaha kodeksa). Jon, a taksama Andrej Sańnikaŭ, Mikałaj Statkievič i Alaksiej Michalevič znachodziacca ŭ SIZA KDB.

Volha Niaklajeva ličyć, što KDB chacieła sarvać jaje sustreču z amerykanskim senataram Ryčardam Durbanam, jaki znachodzicca ŭ Miensku. Supracoŭniki KDB spynili jaje akurat tady, kali jana vychodziła z domu.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH