Pytańnie ab terytaryjalnaj cełasnaści Hruzii abmiarkoŭvaŭsia na sustrečy «trojki ES» — Biełaruś u lipieni 2009 hoda. Pra heta śviedčyć depieša misii Złučanych Štataŭ Amieryki ŭ ES, apublikavanaja sajtam WikiLeaks 13 studzienia.
Sustreča adbyłasia ŭ Bruseli 28 lipienia 2009. U joj uziali ŭdzieł jeŭrakamisar pa zamiežnych suviaziach i palitycy dobrasusiedstva Bienita
Pa vynikach sustrečy spadarynia
Jana pakazała, što ŭ svaich adnosinach JEZ i Biełaruś «padyšli da skryžavańnia i ŭ ahulnych intaresach nadać im novy impuls». Jeŭraźviaz ža «hatovy padtrymać Biełaruś, kali jana prademanstruje surjozny ruch u bok demakratyi i asnoŭnych pravoŭ i svabodaŭ».
Karł Bilt zajaviŭ, što na sustrečy
baki adkryta abmierkavali biełaruskuju palityčnuju situacyju, jak «nieadpaviednuju» čakańniam ES. U pryvatnaści, pavodle słovaŭ šviedskaha ministra, abmiarkoŭvałasia stanovišča ŭ halinie pravoŭ čałavieka: «abmiežavańnie palityčnych svabodaŭ, prablemy z rehistracyjaj i pracaj u arhanizacyj hramadzianskaj supolnaści i palityčnych partyj, a taksama pytańnie prymianieńnia ŭ Biełarusi śmiarotnaha pakarańnia».
«Biełaruskija ŭłady mohuć i ŭ pryncypie pavinny zrabić bolš dla ŭmacavańnia adnosinaŭ ź ES», — zajaviŭ Bilt, adznačyŭšy, što Eŭraźviaz «bačyć hatoŭnaść Biełarusi raźvivać ciesnaje partniorstva ź ES».
Jak vynikaje z apublikavanaj WikiLeaks depiešy amierykanskaj misii ŭ ES ad 30 lipienia 2009, na sustrečy trojki taksama abmiarkoŭvałasia pytańnie ab statusie Abchazii i Paŭdniovaj Asiecii.
Sustreča pakazała, «što choć abodva baki pryznajuć nieabchodnaść raźvivać adnosiny, jana taksama paćvierdziła adroźnieńni ŭ ich uzajemnych čakańniach», adznačajuć aŭtary depiešy.
Amierykanskija dypłamaty paviedamlajuć svajmu ŭradu, što
Adnak prysutny na sustrečy Bilt, jaki taksama vykazaŭ nadzieju na prahres u adnosinach,
«nie pakinuŭ u Martynava sumnievaŭ (spasyłajučysia na rehijony, jakija adkałolisia ad Hruzii) adnosna «važnaści, jakuju my nadajem pryncypu terytaryjalnaj cełasnaści».
Maskva pryznała niezaležnaść Abchazii i Paŭdniovaj Asiecii ŭ žniŭni 2008 hoda, paśla ŭzbrojenaha kanfliktu z Hruzijaj.
Alaksandr Łukašenka, vystupajučy pierad rasiejskimi žurnalistami 1 kastryčnika 2010 hoda, zadaŭ rytaryčnaje pytańnie: «Moža być, dla Rasiei i nie treba, kab my pryznali niezaležnaść Abchazii i Paŭdniovaj Asiecii?»
«Zychodziačy z adnosin Biełarusi i Rasiei, viadoma, my pavinny byli pryznać Asieciju i Abchaziju. Jak by toje ni było, my sajuźniki. My hatovyja byli heta zrabić», — skazaŭ Łukašenka. Jon paviedamiŭ, što ŭ Biełaruś pryjazdžaŭ «bujny zachodni palityk», jaki cikaviŭsia, ci pryznaje Biełaruś Abchaziju i Paŭdniovuju Asieciju. «Jon mnie vykłaŭ toj śpiektr adnosin, jakija składucca ŭ nas ź ES i ZŠA. I praź niejki čas ja zrazumieŭ, što tak heta i było b», — pryznaŭsia Łukašenka.
«Sa śpisam biedaŭ i niaščaściaŭ, jakija mohuć abrynucca na Biełaruś, ja sustreŭsia ź Miadźviedzievym u Sočy», — paviedamiŭ Łukašenka. Pavodle jaho słoŭ, jon spytaŭ Miadźviedzieva, ci hatovy toj «padzialić hetyja biedy i padstavić plačo».
«Jaho adkaz byŭ: „Nie treba handlavacca, heta adna tema, a heta — inšaja“, — skazaŭ Łukašenka. — Kali heta tak, to praciahu hutarka nie maje».
