Słavackaja moładzievaja arhanizacyja «Narodnaja demakratyčnaja moładź» praviała bujnuju akcyju ŭ padtrymku Nasty Pałažanki.
Jak paviedamiŭ aktyvist NDM Juraj, la biełaruskaha pasolstva ŭ Bracisłavie sabrałasia kala 50 siabroŭ arhanizacyi.
Akcyja raspačałasia ź simvaličnaha zamykańnia biełaruskaj ambasady: aktyvisty na 15 minut paviesili na dźviery vialiki zamok. Paśla hetaha maładziony pasprabavali pieradać list u abaronu Nasty Pałažanki supracoŭnikam. Samoha ambasadara ŭ budynku nie było, a inšyja supracoŭniki admovilisia vychodzić navat paśla taho, jak junaki pačali skandavać i śviścieć u śviściołki. Supracoŭniki ŭ adkaz zašmarhnuli firanki na voknach.
Paśla hetaha aktyvisty NDM hramadoju rušyli ŭ Ministerstva zamiežnych spravach, dzie ŭ maładzionaŭ adbyłasia sustreča z Hienieralnym sakratarom Ministerstva, jaki ŭ prysutnaści maładzionaŭ źviazaŭsia z ambasadaram Słavakii ŭ Miensku j nakazaŭ jamu pilna adsočvać situacyju j pa mahčymaści naviedać Nastu Pałažanku ŭ Amierykancy.
Pra akcyju paviedamili až čatyry telekanały i Słavackaje radyjo.
