Jak paviedamiła NN nastaŭnica historyi Natalla Iljinič, joj nie praciahnuli kantrakt.
Spadarynia Ilnič adpracavała ŭ škole bolš za čverć stahodździa. Aficyjnaj padstavaj dla niepraciahnieńnia kantrakta stali pamyłki, dapuščanyja pry viadzieńni žurnałaŭ. «Za 25 hadoŭ pracy nie navučyłasia vieści žurnał», — ź ironijaj zaŭvažaje žančyna. Jana źjaŭlajecca siabroŭkaj Partyi BNF.
Pryčynu bačyć u letašnich pretenzijach da jaje načalnika ŭpraŭleńnia adukacyjaj Minabłvykankama Taisy Danilevič. Hod tamu čynoŭnica patrabavała ŭ šerahu nastaŭnikaŭ, jakija źjaŭlajucca siabrami apazicyjnych partyj, vyjści ź ich. I pahražała zvalnieńniem.
Ciapier Natalla Iljinič źbirajecca šukać novuju pracu. Ale ŭpeŭniena, što ŭ Puchavickim rajonie ŭładkavacca nie atrymajecca. Źbirajecca pasprabavać u susiednim Asipovickim rajonie albo Minsku.
5 studzienia ŭ Natalli Iljinič praviali pieratrus: šukali «orudija priestuplenija», a zabrali kampjutar.
