Siońnia na švajcarskim harnałyžnym kurorcie Davos pačynajecca štohadovy forum pa prablemach suśvietnaj ekanomiki. Z prahramnaj pramovaj na im vystupić prezydent Rasiei Dźmitry Miadźviedzieŭ.
Bolš za 2000 lideraŭ, jakija pradstaŭlajuć biznes, urady, hramadzianskuju supolnaść i akademičnyja koły roznych krain śvietu voźmuć udzieł u
Finansavy kryzis i źjaŭleńnie novych bujnych hulcoŭ na mižnarodnaj arenie prymušajuć śviet asensavać novuju realnaść, vypracavać normy dla jaje. «Ahulnyja normy dla novaj realnaści» — lozunh sioletniaha davoskaha forumu.
Kłaŭs Švab, zasnavalnik i vykanaŭčy staršynia forumu, pierad jaho pačatkam pieraličyŭ hetyja novyja vykliki.
Švab: Heta źjaŭleńnie Kitaju, źjaŭleńnie Indyi, pradstaŭlenych tut, jak nikoli raniej. Heta nastupstvy novych srodkaŭ masavaj infarmacyi, sacyjalnych sietak, ich upłyŭ navat na palityku. Heta prablema skaračeńnia suśvietnaj zapazyčanaści, prablemy zaniataści i biespracoŭja.
Pavodle arhanizataraŭ bolš za 1400biźnies-lideraŭ i bolš za 30 kiraŭnikoŭ dziaržaŭ i ŭradaŭ prymuć udzieł u dyskusijach, a taksama kiraŭniki centralnych bankaŭ, pradstaŭniki hramadzianskaj supolnaści, srodkaŭ masavaj infarmacyi i navukovych kołaŭ.
Biaśpieku ŭdzielnikaŭ forumu padtrymlivajuć 4000 švejcarskich vajskoŭcaŭ, na čas forumu budzie zakrytaja častka pavietranaj prastory Švejcaryi.
Z asnoŭnym dakładam na forumie vystupić prezydent Rasiei Dźmitry Miadźviedzieŭ. Jon adkłaŭ svoj prylot u Davos u suviazi z pazaŭčorašniaj terarystyčnaj atakaj u maskoŭskim aeraporcie «Damadziedava», achviarami jakoj stali 35 čałaviek.
Čakajecca, što Miadźviedzieŭ budzie havaryć pra zmahańnie z teraryzmam, a taksama pra pryvabnaść Rasiei dla zamiežnych investycyjaŭ.
Žurnalisty paviedamlajuć, što ŭvieś Davos poŭny plakataŭ, jakija zaklikajuć investaraŭ «pavialičyć svaje mahčymaści ŭ Rasiei».
U forumie taksama biaruć udzieł prezydent Francyi Nikala Sarkazi, čyja kraina zaraz staršyniuje ŭ hrupie
Z trybuny Davosu vystupić taksama ministar finansaŭ ZŠA Cimaci Hajtner, čakajecca, što temami jaho vystupu budzie handlovy balans ZŠA z Kitajem i nieabchodnaść revalvacyi juania adnosna dalara.
Na dumku arhanizataraŭ pakaźnikam źmieny suśvietnaha balansu źjaŭlajecca toje, što sioleta kitajskaja delehacyja ŭ Davosie ŭ 5 razoŭ bolšaja, čym była 10 hadoŭ tamu, a indyjskaja — u 4 razy bolšaja.
Sioletni papiaredni nastroj udzielnikaŭ forumu — bolš aptymistyčny, čym byŭ dva apošnija hady, mnohija čakajuć, što ŭ 2011 hodzie pačniecca suśvietny ekanamičny bum, chacia isnuje šmat faktaraŭ, jakija mohuć pieraškodzić novamu padjomu.
Mižnarodny valutny fond taksama prahnazuje ekanamičny padjom sioleta, chacia Fond i zaściaroh nakont inflacyjnaha ŭsplosku, asabliva ad rostu cenaŭ na charčavańnie i enerhanośbity.
