Čarhovyja dopyty aktyvistaŭ u Baranavičach.
21 studzienia na kvateru Małaščankaŭ, u jakich tolki-tolki naradziłasia dačka, pryjšli ź pieratrusam.
Jak paviedamiŭ «Intex Press» pradprymalnik Mikałaj Čarnavus, pozvu ŭručyli jamu siońnia kala doma dvoje ŭ cyvilnym. «U poźvie napisana: "vy abaviazany źjavicca dla dačy tłumačeńniaŭ u suviazi z pravodzimaj pravierkaj", – raspavioŭ pradprymalnik. – Bolš nijakich tłumačeńniaŭ nie było – ni piśmovych, ni vusnych».
Mikałaj Čarnavus byŭ davieranaj asobaj byłoha kandydata ŭ prezidenty Ryhora Kastusiova, a taksama byŭ u inicyjatyŭnych hrupach pa zbory podpisaŭ za byłych kandydataŭ u prezidenty.
Na dopyty taksama vyklikali Siarhieja Hoŭšu i Viktara Ciapina, jakija vystupali ŭ jakaści naziralnikaŭ na prezidenckich vybarach.
Nahadajem, što ŭ Viačasłava Bołbata i Taćciany Małaščanka – byłych kiraŭnikoŭ baranavickich inicyjatyŭnych hrup eks-kandydataŭ u prezidenty Uładmzira Niaklajeva i Vitala Rymašeŭskaha – prajšli pieratrusy 21 studzienia.